«Թուրքական հոսք» գազատարի առաջին խողովակաշարի կառուցման հարցում ի հայտ են եկել խնդիրներ

Տնտեսական13:48, 09 Հուլիս 2015

«Թուրքական հոսք» գազատարի առաջին խողովակաշարի կառուցման հարցում ի հայտ են եկել խնդիրներ

Ռուսական պետական «Գազպրոմ» ԲԲԸ-ին պատկանող «South Stream Transportation» ընկերությունը լուծարել է իտալական «Saipem» ընկերության հետ ունեցած պայմանագիրը` «Թուրքական հոսք» գազատարի առաջին խողովակաշարի կառուցման վերաբերյալ:

Թուրքական «gazetevatan» թերթի կայքը, վկայակոչելով «South Stream Transportation»-ի հայտարարությունը, նշում է, որ վերոնշյալ գործարքը չեղարկելուց հետո խողովակաշարի կառուցման նոր բանակցություններ են սկսվելու այլ ընկերությունների հետ:

Հիշեցնենք, որ «Saipem»-ի և «Գասպրոմ»-ի միջև 2.4 միլիարդանոց պայամնագիրը ստորագրվել էր 2014թ մարտին:

Նշենք, որ «Թուրքական հոսք» նախագիծն ի հայտ եկավ այն ժամանակ, երբ Ռուսաստանի Դաշնության նախագահ Վլադիմիր Պուտինը 2014 թվականի դեկտեմբերի 1-ին Անկարայում հայտարարել էր, որ դադարեցված «Հարավային հոսք» նախագծի փոխարեն կիրականացվի «Թուրքական հոսք» նախագիծը:

Նախատեսվում է, որ «Թուրքական հոսք»-ի խողովակաշարի ընդհանուր երկարությունը պետք է լինի 910կմ, որի 660կմ հատվածը պետք է անցնի Ռուսաստանով, իսկ 250 կմ մասը` Թուրքիայով:

Աղբյուր` Ermenihaber.am