ԻՊ-ի դեմ պայքարում ԱՄՆ-ն կօգտվի Թուրքիայի Ինջիրլիքի ռազմաբազայից

Տարածաշրջան08:31, 11 Հուլիս 2015

ԻՊ-ի դեմ պայքարում ԱՄՆ-ն կօգտվի Թուրքիայի Ինջիրլիքի ռազմաբազայից

«Իսլամական պետություն» (ԻՊ) ահաբեկչական կազմակերպության դեմ պայքարի հարցում ԱՄՆ նախագահի հատուկ ներկայացուցիչ Ջոն Ալենը Թուրքիայում հանդիպում է ունեցել Թուրքիայի Արտաքին գործերի նախարարության խորհրդական Ֆերիդուն Սինիրլիօղլուի հետ:

Թուրքական «islahhaber» լրատվական կայքի հաղորդմամբ` 2 օր և 10 ժամ տևած բանակցությունների արդյունքում կողմերը համաձայնության են եկել ԱՄՆ-ի ավիացիոն ուժերի համար Թուրքիայի Ադանա քաղաքում գտնվող Ինջիրլիք ռազմաբազան օգտագործելու հարցում: Ըստ այդմ` Թուրքիան թույլատրել է, որ ԱՄՆ-ի «Predatör 2» տիպի անօդաչու թռչող սարքերը տեղեկայվեն Ինջիրլիք ռազմաբազայում, որոնք անհրաժեշտության դեպքում կարող են հարվածել Սիրիայում ԻՊ-ի դիրքերին: «Predatör 2»-ները նաև կտեղակայվեն Թուրքիայի Քըրշեհիր քաղաքում, որտեղ կիրականացվեն ոսումնական թռիչքներ:

Այն հարցին, թե արդյոք ուսումնական զորավարժությունների շրջանակներում կարող է օգնություն տրամադրվել այն ուժերին, որոնք հարվածելու են ԻՊ-ի դիրքերին, և արդյո՞ք ԱՄՆ-ի և Թուրքիայի միջև դրա շուրջ համագործակցություն կա, Թուրքիայի արգործանախարար Մևլութ Չավուշօղլուն դրական պատասխան է տվել. «Անշուշտ ռազմաօդային աջակցությունն անհրաժեշտ է: Եթե դա չլիներ, ապա իմաստը ո՞րն էր»:

Նա, մեկնաբանելով ԱՄՆ-ի անօդաչու թռչող սարքերի տեղեկայումն Ինջիրլիք ռազմաբազայում, նշել է, որ ԱՄՆ-ի և Թուրքիայի միջև այդ առումով ձեռք է բերվել սկզբունքային համաձայնություն:

Աղբյուր` Ermenihaber.am