Իրանի նախագահը հեռախոսազրույց է ունեցել Էրդողանի հետ

Տարածաշրջան08:49, 18 Հուլիս 2015

Իրանի նախագահը հեռախոսազրույց է ունեցել Էրդողանի հետ

Իրանի նախագահ Հասան Ռոհանին, միջուկային զենքի շուրջ ձեռք բերված համաձայնագրից հետո, հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ:

Թուրքական «Zaman» պարբերականը, հղում անելով իրանական «IRNA» լրատվական գործակալությանը, նշում է, որ Ռոհանին հեռախոսազրույցի ժամանակ նշել է, որ տարածաշրջանային խաղաղության համար շատ կարևոր է Անկարայի և Թեհրանի համագործակցությունը:

Իր հերթին Էրդողանը հեռախոսազրույցի ժամանակ խոսելով թուրք-իրանական հարաբերությունների մասին, նշել է, որ Թուրքիան տարածաշրջանային հարցերի շուրջ պատրաստ է Իրանի հետ համագործակցել:

Հավելենք, որ ՄԱԿ-ի Անվտանգության խորհրդի հինգ մշտական անդամների ու Գերմանիայի, իսկ մյուս կողմից՝ Իրանի միջև հուլիսի 14-ին Վիեննայում կնքվեց պատմական համաձայնագիր, ըստ որի Թեհրանը պարտավորվել է ձեռք չբերել և չստեղծել միջուկային զենք: Իրանը նաև թույլատրել է Ատոմային էներգիայի միջազգային գործակալությանը ստուգումներ անցկացնել իր միջուկային կենտրոններում: Փոխարենը Իրանի նկատմամբ դեռ 1995 թվականից սահմանված պատժամիջոցները աստիճանաբար հանվելու են:

Աղբյուր` Ermenihaber.am