Թուրք-իսրայելական հարաբերություննեը կարող են կարգավորվել

Տարածաշրջան09:47, 22 Հուլիս 2015

Թուրք-իսրայելական հարաբերություննեը կարող են կարգավորվել

Իսրայելի Արտաքին գործերի նախարարության քարտուղար Դորե Գոլդը լրագրողների հետ զրույցում նշել է , որ թուրք-իսրայելական հարաբերությունները կարող են կարգավորվել: Ըստ «CNNTurk»-ի` պատասխանելով լրագրողներից մեկի`«Մավի Մարմարայի» դեպքերի մասին հարցին Գոլդը նշել է.
«Երկու կողմերն էլ ջանք են գործադրում ընդհանուր ճանապարհ գտնելու համար: Նպատակ ունենք նոր էջ բացել ու հարաբերությունները կարգավորել»:

Գոլդի խոսքերով, ստեղծված աշխարհաքաղաքական իրադրության մեջ, թե Իսրայելի, թե Թուրքիայի համար այժմ երկու սպառնալիք գոյություն ունի` Իրանն և «Իսլամական պետություն» (ԻՊ) ահաբեկչական կազմակերպությունը:

«Իրանը շարունակաբար ցանկանում է թուլացնել Թուրքիան: Հուսով եմ, որ Թուրքիայի հետ մեր տարաձայնությունները մի կողմ թողնելով` կարող ենք համաձայնության գալ և գտնել ընդհանուր ճանապարհ»,-ասել է նա:

Գոլդը իր խոսքում չի մանրամասնել, թե Իրանը ինչով է վտանգավոր Թուրքիայի համար:

Հիշեցնենք, որ 2010 թ-ի մայիսի 31-ին միջազգային մարդասիրական նավաշարասյան կազմում Պաղեստինի Գազայի հատված օգնություն փոխադրող թուրքական «Մավի Մարմարա» նավի` բեռների ստուգում անցկացվելու վերաբերյալ Թել Ավիվի պահանջին չենթարկվելու պատճառով իսրայելցի զինվորների հարձակման հետևանքով նավի վրա 9 թուրք քաղաքացիներ են զոհվել:

Աղբյուր` Ermenihaber.am