Քաթարը աջակցություն է հայտնում Թուրքիային

Տարածաշրջան11:33, 28 Հուլիս 2015

Քաթարը աջակցություն է հայտնում Թուրքիային

Քաթարի իշխանությունները պատրաստակամություն են հայտնել աջակցել Թուրքիային « Իսլամական պետություն» (ԻՊ) ահաբեկչական կազմակերպության և «Քուրդիստանի բանվորական կուսակցության» (ՔԲԿ-PKK) գրոհայինների դեմ Սիրիայում և Իրաքում սկսած ռազմական գործողությունների հարցում:

Թուրքական «haber7» լրատվակայքը, հղում անելով Քաթարի պաշտոնական «QNA» լրատվական գործակալությանը, մեջբերում է Քաթարի արտգործնախարարության հայտարարությունը, որում մասնավորաբար ասվում է.

«Քաթարի ղեկավարությունը, Թուրքիայի սահմանների, անվտանգության և կայունության պաշտպանման նպատակով, հայտնում է իր աջակցությունը բոլոր ձեռնարկած միջոցներին»:

Հայտարարությունում նշվում է նաև, որ ցանկացած իրավիճակում Քաթարն ահաբեկչության դեմ պայքարում սատարելու է Թուրքիային: Քաթարի իշխանությունները նաև իրենց ցավակցությունն են հայտնել թուրք զինվորների զոհվելու կապակցությամբ:

Հիշեցնենք, որ թուրքական F-16 կործանիչները Սիրիայում ԻՊ-ի ռազմական հենակետերին հարվածելուց հետո, ավիահարվածներ էին հասցրել նաև ՔԲԿ-ի հյուսիսիրաքյան ռազմական ճամբարների ուղղությամբ:

Աղբյուր` Ermenihaber.am