«ԺԴԿ»-ն կոչ է անում մեջլիսի ղեկավարությանը` պատգամավորներին զրկել անձեռնմխելիությունից

Տարածաշրջան10:20, 29 Հուլիս 2015

«ԺԴԿ»-ն կոչ է անում մեջլիսի ղեկավարությանը` պատգամավորներին զրկել անձեռնմխելիությունից

Թուրքիայի «Ժողովուրդների դեմոկրատական կուսակցության» (ԺԴԿ –HDP) փոխնախագահներ Փերվին Բուլդանը և Իդրիս Բալուքենը խորհրդարանում անցակցված մամուլի ասուլիսի ժամանակ հայտարարել են, որ իրենք կուսակցության անդամ 80 պատգամավորների ստորագրությամբ դիմում են ներկայացնում մեջլիսի ղեկավարությունը` խնդրելով հանել իրենց պատգամավորական անձեռնմխելիությունը:

Բուլդանը կոչ է արել խորհրդարանին անձեռնմխելիությունից զրկել ոչ միայն ԺԴԿ-ական պատգամավորներին, այլ բոլոր 550 պատգամավորներին:

«Մենք պահեցինք մեր խոստումը: Մեր 80 պատգամավորների ստորագրությամբ դիմում ենք ներկայացնում մեջլիսի ղեկավարությանը` պահանջելով զրկել մեզ պատգամավորական անձեռնմխելիությունից: Խորհրդարանին կոչ ենք անում բոլոր 550 պատգամավորների անձեռնմխելիությունը հանել: Դիմում ենք նաև «Արդարություն և զարգացում» (ԱԶԿ-AKP) և «Ազգայնական շարժում» կուսակցություններին (ԱՇԿ-MHP). եկեք հրաժարվենք մեր ազնձեռնմխելիությունից»,- Բուլդանը:

Հիշեցնենք, որ նախօրեին ԺԴԿ-ի համանախագահ Սելահաթթին Դեմիրթաշը հայտարարել է, որ կուսակցությունը ներկայացնող 80 պատգամավոր պատգամավորական անձեռնամխելիությունից հրաժարվելու դիմում կներկայացնի:

Աղբյուր` Ermenihaber.am