Թուրքիայի ԱԳՆ. ԻՊ-ի դեմ պայքարում ԱՄՆ-ը ցանկացած պահի կարող է օգտագործել Ինջիրլիքի ռազմաբազան

Տարածաշրջան14:13, 29 Հուլիս 2015

Թուրքիայի ԱԳՆ. ԻՊ-ի դեմ պայքարում ԱՄՆ-ը ցանկացած պահի կարող է օգտագործել Ինջիրլիքի ռազմաբազան

Թուրքիայի Արտաքին գործերի նախարարության խոսնակ Թանժու Բիլգիչը, այսօր նախարարությունում պատասխանելով լրագրողների հարցերին, հայտարարել է որ «Իսլամական պետության դեմ պայքարում ԱՄՆ-ը ցանկացած պահի կարող է օգտագործել Ինջիրլիքի ռազմաբազան: Հայտնում է թուրքական «Սոնդաքիքա» լրատվական կայքը:

«Ինջիրլիքը, անհրաժեշտության դեպքում, ցանկացած պահի կարող է օգտագործվել: Բոլոր անհրաժեշտ ստորագրությունները կան»,- հավաստիացրել է Բիլգիչը:

«Նշյալ ահաբեկչական կազմակերպության դեմ պայքարի հարցում ԱՄՆ նախագահի հատուկ ներկայացուցիչ Ջոն Ալենը Թուրքիայում հանդիպում է ունեցել Թուրքիայի արտգործնախարարության խորհրդական Ֆերիդուն Սինիրլիօղլուի հետ:

Թուրքական «islahhaber» լրատվական կայքի հաղորդմամբ` 2 օր և 10 ժամ տևած բանակցությունների արդյունքում կողմերը համաձայնության են եկել ԱՄՆ-ի ավիացիոն ուժերի համար Թուրքիայի Ադանա քաղաքում գտնվող Ինջիրլիք ռազմաբազան օգտագործելու հարցում: Ըստ այդմ` Թուրքիան թույլատրել է, որ ԱՄՆ-ի «Predatör 2» տիպի անօդաչու թռչող սարքերը տեղեկայվեն Ինջիրլիք ռազմաբազայում, որոնք անհրաժեշտության դեպքում կարող են հարվածել Սիրիայում ԻՊ-ի դիրքերին: «Predatör 2»-ները նաև կտեղակայվեն Թուրքիայի Քըրշեհիր քաղաքում, որտեղ կիրականացվեն ոսումնական թռիչքներ:

Աղբյուր` Ermenihaber.am