Թուրքիայի հասցեին քննադատություններ են հնչում Եգիպտոսից

Քաղաքական13:54, 31 Հուլիս 2015

Թուրքիայի հասցեին քննադատություններ են հնչում Եգիպտոսից

Եգիպտոսի արտգործնախարարության աշխատակիցներից մեկը (որի անունը չի նշվում) Թուրքիայիn մեղադրել է այն բանում, որ վերջինս օժանդակում է Եգիպտոսի Սինա թերակղզում գործունեություն ծավալող Էնսար Բեյթ ալ Մաքդիս ծայրահեղական կազմակերպությանը, որն էլ իր հերթին կապված է «Իսլամական պետություն» (ԻՊ) ահաբեկչական կազմակերպության հետ:

Թուրքական «Internethaber» լրատվամիջոցը, հղում անելով ամերիկյան հայտնի «Washington Times» պարբերականին, մեջբերում է եգիպտոսցի պաշտոնյայի խոսքերը, որում մասնավորապես նշվում է.
«Մենք մեր ձեռքում ապացույց ունենք, որ Էնսար Բեյթ ալ Մաքդիսի և թուրքական կառավարության միջև գոյություն ունի կապ»:

Նա նաև մատնաշել է, որ Թուրքիան օժանդակում է «Մուսուլման եղբայրներ» իսլամական արմատական կազմակերպությանը, ինչպես նաև պաղեստինյան «Համաս» խմբավորմանը:

Թուրքիայի հասցեյին քննադատական խոսքեր էր հնչեցրել նաև Եգիպտոսի աևտգործնախարար Սամիհ Շուքրին` ընգծելով, որ Թուրքիան անհրաժեշտ միջոցներ չի ձեռնարկում ԻՊ-ի դեմ:

Աղբյուր` Ermenihaber.am