Թուրք ընդդիմադիր պատգավոր. «Առաջին Քուրդիստանը կհիմնվի Թուրքիայի տարածքում»

Քաղաքական07:59, 03 Օգոստոս 2015

Թուրք ընդդիմադիր պատգավոր. «Առաջին Քուրդիստանը կհիմնվի Թուրքիայի տարածքում»

Թուրքիայի գլխավոր ընդդիմադիր ուժը հանդիսացող ձախակողմյան քեմալիստական «Ժողովրդահանրապետական կուսակցության» (ԺՀԿ-CHP) պատգամավոր Ալի Էդիբօղլուն հայտարարել է, որ Քուրդիստանը հիմնվելու է Թուրքիայի տարածքում:

Թուրքական «yenicaggazetesi.com.tr» լրատվակայքի համաձայն՝ Էդիբօղլուն մասնավորապես նշել է. «Չգիտեմ՝ որքան ժամանակ Թուրքիան կկարողանա դիմադրել Արևմուտքին, բակց առաջին Քուրդիստանը հիմնվելու է Թուրքիայի տարածքում»:

Այնուհետև պատգամավորը կարծիք է հայտնել, որ ԱՄՆ-ն և ՆԱՏՕ-ն, ի դեմս «Քուրդիստանի բանվորական կուսակցության» (ՔԲԿ - PKK), քուրդ դաշնակից ունեն: Ըստ Էդիբօղլուի՝ Իրաքի մասնատումը ժամանակավորապես կհետաձգվի, քրդական շրջանի կառավարությունն ու կենտրոնական իշխանությունը կհաշտվեն: Կհիմնվի առաջին Քուրդիստանը, որը, սակայն, կլինի արդեն Թուրքիայի տարածքում:

«ԱՄՆ-ի և ՆԱՏՕ-ի՝ Իրանի հետ համաձայնության գալուց հետո հետո Թուրքիան տարածաշրջանում խաղից դուրս վիճակում է հայտնվել: Լիբանանի «Հըզբոլլահը» , Իրաքի կենտրոնական իշխանությունն ու Իրանը կոչնչացնեն «Իսլամական պետությանը» (ԻՊ - İŞİD), նույնիսկ արդեն սկսել են անել դա», - նկատել է տվել ԺՀԿ-ական պատգամավորը:

Աղբյուր` Ermenihaber.am