Դեմիրթաշի կոչը՝ ԵՄ-ին ու ՆԱՏՕ-ին

Քաղաքական09:33, 08 Օգոստոս 2015

Դեմիրթաշի կոչը՝ ԵՄ-ին ու ՆԱՏՕ-ին

Թուրքիայի խորհրդարանում ներկայացված, ընդդիմադիր քրդամետ «Ժողովուրդների դեմոկրատական կուսակցության» (ԺԴԿ-HDP) համանախագահ Սելահաթթին Դեմիրթաշը Բրյուսելից Եվրամիությանը (ԵՄ) և ՆԱՏՕ-ին (Հյուսիսատլանտյան դաշինք) կոչ է արել ավելի մեծ ջանքեր գործադրել թուրք-քրդական կարգավորման գործընթացի համար:

Նա, խոսելով «Քուրդիստանի բանվորական կուսակցության» (ՔԲԿ-PKK) և թուրքական իշխանությունների երկխոսության մասին, նշել է. «Եվրամիությունը բացեիբաց և հստակորեն պետք է օժանդակի Թուրքիայի և ՔԲԿ-ի միջև երխոսությանը»:

Ըստ նրա՝ ԵՄ-ն պետք է օժանդակի նաև Թուրքիա–Օջալան երկխոսությանը: Եվ եթե պետք է ճնշում գործադրի դրան հասնելու համար: Դեմիրթաշն ընդգծել է, որ ՆԱՏՕ-ն էլ պետք է քրդական կարգավորման գործընթացում հստակ դիրքորոշում ունենա:

Քննադատելով Թուրքիայի նախագահ Ռեջեփ Թայիփ էրդողանի վարած քաղաքականթյունը՝ Դեմիրթաշն ասել է, որ Սիրիայում և Հյուսիսային Իրաքում Թուրքիայի իրականացրած օդային հարվածները իրականում ոչ այնքան ուղղված էին «Իսլամական պետություն» (ԻՊ) ահաբեկչական կազմակերպության, որքան ՔԲԿ-ի դեմ: Թուրքական օդուիը գլխավոր թիրախը հենց ՔԲԿ-ն էր:

Նա համոզված է, որ թուրքական իշխանություններն այժմ փորձում են թուլացնել ԺԴԿ-ին՝ նկատի ունենալով քրդամետ կուսակցության դեմ իրականացվող ճնշումները:

Այցի շրջանակներում Դեմիրթաշը հանդիպում է ունեցել, «Քրդական համայնքների միության» (KCK) բարձագույն խորհրդի անդամ Զուբեյիր Այդարի հետ: Նախատեսվում է, որ Դեմիրթաշը Բրյուսելում հանդիպում կունենա ԵՄ-ի անվտանգության և արտաքին քաղաքականության հարցերի ներկայացուցիչ Ֆեդերիկա Մոգհերինիի, ինչպես նաև բյուրոյի պետ Ստեֆանո Մանսերվիսիի հետ:

Աղբյուր` Ermenihaber.am