Իրանի արտգործնախարարը հանդիպում է ունենալու թուրք գործընկերոջ հետ

Տարածաշրջան09:32, 10 Օգոստոս 2015

Իրանի արտգործնախարարը հանդիպում է ունենալու թուրք գործընկերոջ հետ

Իրանի արտաքին գործերի նախարար Ջեվադ Զարիֆը օգոստոսի 10-ին այցելելու է Թուրքիայի մայրաքաղաք Անկարա, որտեղ հանդիպում է ունենալու Թուրքիայի արտգործնախարար Մևլութ Չավուշօղլուի հետ:

Ըստ թուրքական «Yenicaggazetesi» լրատվական կայքի` հանդիպման ընթացքում կողմերը բացի թուրք-իրանական հարաբերություններից, քննարկելու են Իրաքում և Սիրիայում ստեղծված իրավիճակը, «Իսլամական պետություն» (ԻՊ) ահաբեկչական կազմակերպության դեմ պայքարի հարցերը:

Քննարվելու են ԻՊ- ի դեմ պայքարում Ռուսաստանի կողմից առաջարկած մեթոդները: Խոսվելու է նաև Թուրքիայի կողմից Ինջիլիք ռազմաբազայի տրամադրումը ամերիկյան օդուժին և Թուրքիայի կողմից Հյուսիսային Իրաքում «Քուրդիստանի բանվորական կուսակցության» (ՔԲԿ-PKK) ռազմաբազաների ուղղությամբ իրականացրած հարվածների մասին: Անդրադարձ է կատարվելու Թուրքիայի տարածքում ՔԲԿ-ի իրականացրած գործողություններին:

Հանդիպման ժամանակ քննարկվելու է նաև Իրանի միջուկային ծրագրին վերաբերող հարցերը: Իրանի արտաքին գործերի նախարարը Թուրքիայից հետո այցելելու է Լիբանան:

Թուրքական աղբյուրը, հղում անելով իրանական «MNA» լրատվական գործակալությանը, նշում է, որ տարածաշրջանում ստեղծված իրավիճակի պատճառով, Զարիֆը այցելելու է Ռուսաստան:

Աղբյուր` Ermenihaber.am