Ստամբուլում ԱՄՆ-ի հյուպատոսարանը դադարեցրել է վիզաների տրամադրումը

Տարածաշրջան13:54, 10 Օգոստոս 2015

Ստամբուլում ԱՄՆ-ի հյուպատոսարանը դադարեցրել է վիզաների տրամադրումը

Թուրքիայի Ստամբուլ քաղաքի Սարըյեր շրջանում գտնվող ԱՄՆ-ի հյուպատոսարանի վրա կատարված հարձակումից հետո այն ժամանակավորապես փակվել է՝ դադարեցնելով վիզաների տրամադրումը քաղաքացիներին:

Թուրքական «sabah» թերթի կայքի տեղեկացմամբ` հյուպատոսարանը «Twitter»- միկրոբլոգի միջոցով տեղեկացրել է, որ տեղի ունեցած հարձակման պատճառով աշխատանքները միառժամանակ դադարեցվում են:

Նշենք, որ դեպքի հետ կապված արդեն իսկ ձերբակալվել է 51-ամյա մի կին (Հաթիջե Աշըք) ով նախկինում ձերբակալվել էր Թուրքիայում իրականացրած ահաբեկչության ժամանակ, երբ ձախակողմյան «Հեղափոխական ժողովրդական ազատագրական կուսակցություն-ճակատը» պատանդ էր վերցրել Բերքին Էլվանի սպանության գործը վարող դատախազին:

Հիշեցնենք, որ առավոտյան վերոնշյալ հյուպատոսարանի ուղղությամբ երկու զինյալներ հրազենային կրակ էին բացել: Թուրք ուժայիններին հաջողվել էր ձերբակալել գրոհայիններից մեկին:

Աղբյուր` Ermenihaber.am