Քրդերը պայթեցրել են թուրքական ոստիկանական զրահապատ մեքենա, կան զոհեր

Տարածաշրջան12:18, 10 Օգոստոս 2015

Քրդերը պայթեցրել են թուրքական ոստիկանական զրահապատ մեքենա, կան զոհեր

Թուրքիայի Շըրնաք նահանգի Սիլոփի շրջանում «Քուրդիստանի բանվորական կուսակցության» (PKK-ՔԲԿ) զինյալները պայթեցրել են ոստիկանական զրահամեքենա:

Ըստ թուրքական «haberler» լրատվամիջոցի` պայթյունի հետևանքով զոհվել են մեքենայում գտնվող 4 ոստիկանները (Մուհամեդ Օնուր Դեմիր, Համդի Ուլաշ, Քամուրան Բիլին, Հըդըր Թամբողա): Մեկ հոգի էլ վիրավորվել է: Պարզվել է, որ քուրդ գրոհայինները նախապես ականապատել էին այն ճանապարհահատվածը, որով պետք է անցներ վերոնշյալ զրահամեքենան:

Նահանգապետարանի տարածած հայտարարությամբ իրազեկվում է, որ ՔԲԿ-ի զինյալները կրակ են բացել զինվորական անձնակազմ տեղափոխող ռազմական մի ուղղաթիռի վրա, ինչի հետևանքով զոհվել էր մեկ զինծառայող: Նշվում է, որ թուրք ուժայինների կողմից իրականացված պատասխան օպերացիայի ժամանակ սպանվել է 3 քուրդ զինյալ, որոնք ներկայացվում են որպես ահաբեկիչներ:

Հիշեցնենք, որ օրեր առաջ Շըրնաք նահանգի Սիլոփ շրջանի Բաշաք և Բարբարոս թաղամասերում ՔԲԿ-ի երիտթև համարվող «Հայրենասեր հեղափոխական երիտասարդության շարժման» (YDG-H) զինյալների ու տեղի թուրքական ոստիկանական ուժերի միջև տեղի էր ունեցել զինված բախում, որի հետևանքով զոհվել էր 2 մարդ:

Աղբյուր` Ermenihaber.am