Կոալիցիոն կառավարություն ձևավորելու շրջնականերում Դավութօղլուն հանդիպել է Քլըչդարօղլուի հետ

Տարածաշրջան07:33, 11 Օգոստոս 2015

Կոալիցիոն կառավարություն ձևավորելու շրջնականերում Դավութօղլուն հանդիպել է Քլըչդարօղլուի հետ

Թուրքիայի վարչապետ և իշխող «Արդարություն և զարգացում» կուսակացության (AKP-ԱԶԿ) նախագահ Ահմեթ Դավութօղլուն հանդիպել է երկրի գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) նախագահ Քեմալ Քըլըչդարօղլուի հետ: Ինչպես տեղեկացնում է «CnnTürk» լրատվական ծառայությունը, հանդիպումը տեղի է ունեցել կոալիցիոն կառավարություն կազմելու բանակցությունների շրջանակում:

4 ժամ 20 րոպե տևած հանդիպմանը ԱԶԿ-ից մասնակցել է Մշակույթի և զբոսաշրջության նախարար Օմեր Չելիքը, իսկ ԺՀԿ-ից՝ կուսակցության փոխնախագահ և խոսնակ Հալուք Քոչը:

Վերջինս հայտնել է, որ կուսակցության նախագահները ևս մեկ անգամ կհանդիպեն հինգշաբթի կամ ուրբաթ՝ քննարկելու սույն հանդիպման արդյունքները:

Իսկ Օմեր Չելիքը նշել է, որ երկու կուսակցությունների նախագահները Թուրքիան առանց կառավարության չթողնելու պատասխանատվությամբ հարցերի լայն շրջանակ են քննարկել: ԱԶԿ ներկայացուցիչը վերահաստատել է Քոչի ասածը, ըստ որի, հինգշաբթի կամ ուրբաթ օրը ևս մեկ հանդիպում տեղի կունենա կուսակցապետի և վարչապետի միջոը:

Ըստ Չելիքի՝ հանդիպումը կլինի նախորդի շարունակությունը, սակայն արդյունքի վերաբերյալ վերջնական քննարկումը տեղի կունենա 2 առաջնորդի միջև:

Աղբյուր` Ermenihaber.am