Թուրքիայի ընդդիմադիր ազգայնականները կոալիցիայի համար 4 պայման են առաջ քաշում

Քաղաքական07:21, 17 Օգոստոս 2015

Թուրքիայի ընդդիմադիր ազգայնականները կոալիցիայի համար 4 պայման են առաջ քաշում

Ինչպես հայտնի է, Թուրքիայի իշխող «Արդարություն և զարգացում»(ԱԶԿ-AKP) և գլխավոր ընդդիմադիր «Ժողովրդահանրապետական» (ԺՀԿ-CHP) կուսակցությունների առաջնորդները չկարողացան համաձայնության գալ կալիցիոն կառավարություն կազմելու հարցում: Հիմա էլ ԱԶԿ-ի նախագահ և Թուրքիայի վարչապետ Ահմեթ Դավութօղլուն ծրագրում է հանդիպելու ընդդիմադիր «Ազգայնական շարժում» (ԱՇԿ-MHP) կուսակցության նախագահ Դևլեթ Բահչելիի հետ, որպեսզի, փորձի ընդհանուր եզրեր գտնել վերջինիս հետ:

Թուրքական «milliyet» թերթի կայքի տեղեկացմամբ` հանդիպումը կայանալու է այսօր, բայց նախքան հանդիպումը, ԱՇԿ-ի կենտրոնական գործադիր կոմիտեն ժողով է գումարել, որտեղ սահմանվել են իշխանությունների առջև դրվելիք 4 կարևոր պայմանները ԱԶԿ-ի հետ կոալիցիա կազմելու համար:

Դրանք հետևյալն են.

1. Հայտարարել, որ թուրք-քրդական կարգավորման գործընթացն ավարտված է:

2. Հետաքննության վերսկսում այն 4 նախարարների նկատմամբ, ովքեր ներգրավված են կոռուպցիոն սկանդալի և այլ անօրինականությունների մեջ:

3 Թուրքիայի նախագահ Ռեջեփ Թայիփ Էրդողանը պետք է գործի Թուրքիայի սահմանադրության կանոնների շրջանակներում:

4.Թուրքիայի Սահմանադրության առաջին 4 կետերի անփոփոխություն:

Նշենք, որ, ԺՀԿ-ի առաջնորդ Քեմալ Քըլըչդարօղլուի հետ կայացած հանդիպում-քննարկումից հետո Թուրքիայի վարչապետ Ահմեթ Դավութօղլուն հայտարարել էր, որ ամենայն հավանականությամբ երկրում կանցկացվեն խորհրդարանական արտահերթ ընտրություններ: