ԵՄ երկրների և Թուրքիայի միջև առևտրաշրջանառությունը մեծացել է

Տնտեսական11:41, 18 Օգոստոս 2015

ԵՄ երկրների և Թուրքիայի միջև առևտրաշրջանառությունը մեծացել է

Եվրոպայի վիճակագրական կազմակերպության (Eurostat) տվյալներով Թուրքիան ներառվել է այն 5 երկրների ցուցակում, որոնց հետ Եվրամիությունն(ԵՄ) ամենախոշոր առևտուրն է իրականացնում:

Թուրքական «Milliyet» թերթը, հղում անելով (Eurostat)-ի տվյալներին, նշում է, որ 2015թ. առաջին 6 ամսվա ընթացքում Եվրոպայից Թուրքիա 41 մլրդ եվրոյի ներմուծում է եղել, իսկ Թուրքիայից Եվրոպա արտահանման ծավալը հասել է 30.2մլրդ եվրոյի: Ընդհանուր 71.2 մլրդ եվրո ցուցանիշով Թուրքիան առաջին հնգյակից դուրս է թողել Նորվեգիային: Ըստ այդ ցուցակի` ԵՄ-ի հետ ամենախոշոր առևտուրը իրականացնում է ԱՄՆ-ն (308.6 մլրդ եվրո), երկրորդ տեղում է Չինաստանը (251.4 մլրդ եվրո), երրորդում` Շվեդիան (125 մլրդ եվրո), իսկ չորրորդ տեղը զբաղեցնում է Ռուսաստանը (107.1 մլդ եվրո):

Նշենք, որ Թուրքիան ամեն տարի վերոնշյալ ցուցանիշով աճ է գրանցում: Եթե 2009թ. Թուրքիայի և ԵՄ-ի միջև առևտրաշրջանառությունը կազմում էր 80.9 մլրդ եվրո, ապա 2010-ին այն կազմում էր 104.6 մլրդ, 2011-ին` 121.5 մլրդ , 2012-ին`124 մլրդ, 2013-ին`128 մլրդ իսկ 2014-ին`128.8 մլրդ եվրո:

Աղբյուր` Ermenihaber.am