ERMENI HABER AJANSI

«ԱՄՆ-ի հետ միջուկային պայմանագրի շուրջ համաձայնության գալուց հետո  «ինքնավստահության նոպա» ապրող Իրանը Թուրքիայի նկատմամբ շատ խորամանկ քաղաքականություն է վարում»,-գրում է թուրքական «Հաբեր7» լրատվական կայքը:
Թուրքական լրատվամիջոցը, հղում անելով իրանական «İRNA» լրատվական գործակալության կողմից հրապարակված վերլուծական հոդվածներից մեկին, հայտնում է թե Իրանը, աջակցում է Սիրիայի հյուսիսում գտնվող քրդական տարրերին և ՔԲԿ-ին ու Հյուսիսային Իրաքում թուրքական ազդեցությունը թուլացնելու համար հակաբարզանիական տրամադրություններ է ստեղծում:
Հոդվածում նշվում է նաև, որ Թուրքիայի` Սիրիայում Բաշար Ասադի իշխանությունը տապալելու ցանկությունը, ինչպես նաև Հյուսիսային Իրաքում քրդերի դիրքերին հարվածելը, մեծապես վնասել է տարածաշրջանում Իրանի դիրքերը:

Ըստ հոդվածի որ տարածաշրջանում գերիշխող տերությունը մոտակա ժամանակներս  պետք է դառնա Իրանը: Իսկ Թուրքիան, Սաուդյան Արաբիան և Քաթարը Իրանի համար դիտվում են և դիտվելու են  որպես համար մեկ մրցակից-հակառակորդներ:

Խոսելով Թուրքիայի  առկա քաղաքական իրավիճակի մասին, նշվում է, որ  նախագահ Ռեջեփ Թայիփ Էրդողանի Թուրքիայում նոր խորհրդարանական ընտրություններ ացկացնելու մասին հայտարարությունը , որևէ կերպ չի օգնելու ստեղծված իրավիճակը կայունացնելու:

Առաջ է քաշվում  այն համոզմունքը, որ  Թուրքիայի` Սիրիայի իշխանությունը տապալելու  քաղաքականությունը  անհաջողության  է մատնվելու և հետևաբար Թուրքիան չի կարողանալու դառնալ Մերձավոր Արևելքում գերիշխող պետություն:

Անդրադարձ կատարվելով  թուրքական օդուժի Սիրիայում  «Իսլամական պետություն»  (ԻՊ)ահաբեկչական կազմակերպության հենակետերին հարվածելու փաստին, նշվում է, որ դա ընդամենը պատեհ առիթ  էր, որ  թուրքերը Հյուսիսային Իրաքում հարված հասցնեին «Քուրդիստանի բանվորական կուսակցության» (PKK-ՔԲԿ)  ռազմաճամբարների ուղղությամբ