Թուրքիայի ժամանակավոր կառավարությունում նախարարական պորտֆելների բաշխումն` ըստ կուսակցությունների

Քաղաքական08:29, 26 Օգոստոս 2015

Թուրքիայի ժամանակավոր կառավարությունում նախարարական պորտֆելների բաշխումն` ըստ կուսակցությունների

Թուրքիայի խորհրդարանական ղեկավարությունը հայտարարություն է տարածել այն մասին, թե որքան նախարարական պորտֆելներ կարող ունենալ կուսակցությունները, ստեղծվելիք ժամանակավոր կառավարությունում:

Թուրքական «sondakika» լրատվամիջոցը, հղում անելով այս հայտարարությանը, նշում է, որ Թուրքիայի նախագահ Ռեջեփ Թայիփ Էրդողանի ցուցումով նախարարական պորտֆելները բաշխվել են հետևյալ կերպ. իշխող «Արդարություն և զարգացում կուսակցություն» (AKP-ԱԶԿ)`11 տեղ, գլխավոր ընդդիմադիր ուժ հանդիսացող «Ժողովրդահանրապետական կուսակցություն» (ԺՀԿ-CHP)`5 տեղ, ընդդիմադիր «Ազգայնական շարժում կուսակցություն» (ԱՇԿ-MHP)`3 տեղ, «Ժողովուրդների դեմոկրատական կուսակցություն»(HDP)`3 տեղ: Եվս 3 նախարարական պորտֆել կհատկացվի անկուսակցական պատգամավորներին:

Հիշեցնենք, որ նախօրեին Թուրքիայի նախագահ Ռեջեփ Թայիփ Էրդողանը Ահմեթ Դավութօղլուին վերանշանակել է վարչապետի պաշտոնում և հանձնարարել 5 օրվա ընթացքում ձևավորել ժամանակավոր կառավարություն:

Աղբյուր` Ermenihaber.am