Դավութօղուլուն այսօր կներկայացնի ժամանակավոր կառավարության կազմը

Քաղաքական09:28, 28 Օգոստոս 2015

Դավութօղուլուն այսօր կներկայացնի ժամանակավոր կառավարության կազմը

Թուրքիայի վարչապետ ԱՀմեթ Դավութօղլուն կուսակցության նահանգային կառույցների ղեկավարների ժողովում հայտարարել է, որ օգոստոսի 28-ին կեսօրից հետո Թուրքիայի նոր կառավարության կազմը ներկայացնելու է նախագահ Ռեջեփ Թայիփ Էրդողանին: Հայտնում է թուրքական «Sondakika» լրատվական կայքը:
«Նոր կառավարության կազմը այսօր կեսօրից հետ կներկայացնեմ նախագահին: Այսպիսով արտահերթ ընտրությունների ուղղությամբ արվելիք քայլերի մեկնարկը կտրվի»,- ասել է Դավութօղլուն:
Սա Թուրքիայի հանրապետության պատմության մեջ առաջին դեպքն է, երբ ձևավորվում է ժամանակավոր կառավարություն:

Հիշեցնենք, որ մի քանի օր առաջ Էրդողանը Դավուօթլուին հանձնարարել էր ժամանակավոր կառավարություն կազմել, որը կգործի մինչև նոյեմբերի 1-ի Թուրքիայի խորհրդարանական ընտրությունների անցկացումը:

Հավելենք, որ հունիսի 7-ից հետո կայացած խորհրդարանական ընտրություններից հետո, Թուրքիայում այդպես էլ չկազմվեց կոալիցիոն կառավարություն, ինչն էլ հանգեցրեց նոր ընտրությունների անցկացմանը:

Աղբյուր` Ermenihaber.am