Sabah. «ԺԴԿ-ական նախարարները կարող են պաշտոնանկ արվել»

Տարածաշրջան09:19, 01 Սեպտեմբեր 2015

Sabah. «ԺԴԿ-ական նախարարները կարող են պաշտոնանկ արվել»

Թուրքիայի ժամանակավոր կառավարության մեջ ընդգրկված քրդամետ «Ժողովուրդների դեմոկրատական» կուսակցությունը (HDP-ԺԴԿ) ներկայացնող 2 պատգամավորները կարող են դուրս մնալ կառավարությունից: Թուրքական «Sabah» թերթը հայտնում է, որ ԺԴԿ-ական նախարարներ Մուսլում Դողանը (Զարգացման նախարար) և Ալի Հայդար Քոնջան (Եմ հարցերով նախարար) Թուրքիայում ահամբեկչության դեմ պայքարի միջոցառումներին դեմ արտահայտվելու կամ իրենց հայտարարություններով և վարվելակերպով Թուրքիային միջազգային ասպարեզում բարդ իրավիճակի առջև կանգնեցնելու դեպքում` պատոնանկ կարվեն՝ ըստ սահմանադրության 109-րդ հոդվածի:

Թուրքիայի վարչապետ Ահմեթ Դավութօղլուն հարցի վերբերյալ ասել է, որ վերոնշյալ նախարարները «չափը պետք է չանցնեն»: Դավութօղլուն նշելով, որ նրանց նախարար նշանակելը սահմանադրական անհրաժեշտություն էր, ասել է. «Այստեղ աշխատելով նրանց պարտականություն է այնպիսի վարք որդեգրել, որը մեզ, որպես Թուրքիայի Հանրապետության և ազգի ներկայացուցիչ ծանր կացության մեջ չի դնի»:

Թուրքական պարբերականի տեղեկացմամբ՝ ԺԴԿ-ական երկու նախարարի պաշտոնանկության դեպքում նրանց զբաղեցրած պաշտոնները կփոխանցվեն անկուսակցական գործիչերի:

Տեղեկացնենք, որ Թուրքիայի քրդամետ կուսակցությունը ներկայացնող ԵՄ հարցերով Ալի Հայդար Քոնջան Հայոց ցեղասպանության հարցում իր դիրքորոշումը ներկայացնելիս ասել էր. «Ակնհայտ է, որ կոտորած եղել է: Դա բոլորն են ընդունում: Ըստ էության՝ ժխտող էլ չկա: Հիմնական հարցը դրա բնութագրման մեջ է: Այս հարցն էլ մեր կուսակցության հետ կքննարկենք և միասնաբար ընդունված որոշման վերաբերյալ մեր տեսակետը կհստակեցնենք»:

«Sabah» պարբերականը նշում էր, որ նախարար Քոնջան Հայոց ցեղասպանությանը վերաբերող հարցին պատասխանելիս «չափերն անցել է»:

Աղբյուր` Ermenihaber.am