Անկարայում հարձակվել են քրդերով բնակեցված թաղամասի վրա. քրդերը լքում են շրջանը

Տարածաշրջան09:20, 09 Սեպտեմբեր 2015

Անկարայում հարձակվել են քրդերով բնակեցված թաղամասի վրա. քրդերը լքում են շրջանը

Թուրքիայի Հաքքարի նահանգի Դաղլըջա գյուղում «Քուրդիստանի բանվորական կուսակցության» (PKK-ՔԲԿ) զինյալների հարձակումից հետո գյուղատնտեսական ոլորտի քուրդ աշխատողները սկսել են լքել Անկարայի Բեյփազար շրջանը:

Թուրքական «Vatan» թերթը տեղեկացնում է, որ սեպտեմբերի 8-ի գիշերը Բեյփազար շրջանի Զաֆեր թաղամասում, որտեղ հիմնականում քրդեր են բնակվում, կրակոցներ են լսվել:

Թերթը հայնտում է, որ դեպքի վերաբերյալ ստացված տեղեկություները հակասական են:

«Անիծվի ահաբեկչությունը» ցույցի կազմակերպիչները հայտնել են, թե Զաֆեր թաղամասով անցնելիս իրենց շարասյան վրա հարձակվել են: Իսկ այդ թաղամասի բնակիչները տեղեկացրել են, թե հարձկումը կատարել են մի խումբ անձիք, որոնք ցուցադրել են գորշ գայլերի հայտնի ժեստը:

Իսկ ահա իշխող «Արդարություն և զարգացում» կուսակցության շրջանային կառույցի նախագահ Մեհմեթ Յայընը հայտնել է, որ դեպքը սկսել են հենց ավտոարշավ իրականացնողները, ովքեր Զաֆեր թաղամասով անցնելիս քարեր են նետել տների վրա, մի քանի բանվորական միկրոավտոբուս հրդեհել:

Ընդդիմադիր «Ժողովրդահանրապետական» կուսակցության շրջանային կառույցի նախագահ Ալի Ույսալն էլ հայտնել է, որ հարձակումն իրականացնողները որևէ կուսակցության չեն պատկանում և հիմնականում «15-18 տարեկան երեխաներ են», որոնց մեծ մասին անձամբ է ճանաչում:

Նույնը պնդել է նաև «Ազգայնական շարժում» կուսակցության շրջանային կառույցի նախագահ Համդի Այանօղլուն:

Իսկ քրդամետ «Ժողովուրդների դեմոկրատական» կուսակցության ներկայացուցիչ Աբդո Օները, որը նույնպես լքել է Զաֆեր թաղամասը, հայտնել է, որ բացի սեզոնային աշխատողներից շրջանը լքում են նաև տեղացիները: «Ես 17 տարի է Բեյփազարում եմ բնակվում: Հեռացողների մեջ անգամ մարդիկ կան, որոնք 50 տարի այնտեղ են ապրել»,-հայտնել է քրդամետ կուսակցության ներկայացուցիչը:

Ըստ որոշ տվյալների՝ շրջանից 600-700 քուրդ աշխատող է հեռացել:

Աղբյուր` Ermenihaber.am