Ջիզրեում պարետային ժամի պատճառով բուժօգնությունից զրկված նորածինը մահացել է

Տարածաշրջան09:18, 09 Սեպտեմբեր 2015

Ջիզրեում պարետային ժամի պատճառով բուժօգնությունից զրկված նորածինը մահացել է

Թուրքիայի քրդաբնակ շրջաններում շարունակվում են զինված բախումները թուրքական անվտանգության ուժերի և «Քուրդիստանի բանվորական կուսակցության» զինյալների միջև: Թուրքական ընդդիմադիր «Birgun.net» լրատվակայքի համաձայն՝ հատկապես ակտիվ բախումների թատերաբեմ դարձած Ջիզրեյում լարվածության 5-րդ օրում 8-րդ զոհն է գրանցվել: Քաղաքում հայտարարված է պարետային ժամ և ոստիկանության, զինուժի ու հատուկ ծառայության ջոկատների կողմից փակվել է Ջիզրեյի ելումուտը, ինչի հետևանքով բնակիչները զրկված են բժշկական ծառայություններից օգտվելու և իրենց առօրյան հանգիստ կազմակերպելու հնարավորությունից:

Աղբյուրի համաձայն՝ բժշկական օգնության կարիք ունեցող 35 օրական մի նորածին Ջիզրեյում մահացել է, քանի որ թույլ չեն տվել նրան հիվանդանոց տեղափոխել: Նույն պատճառով մահացել են նաև 18-ամյա մի պատանի և 80-ամյա մի մեծահասակ, ում համար կանչված շտապօգնության մեքենայի մուտքը թաղամաս արգելվել է:

Ջիզրեյի Նուր, Սուր, Ջուդի և Յաֆես թաղամասերում պարետային ժամի և զինված հարձակումների դեմ բողոքի ակցիաներ են կազմակերպվել, մարդիկ փողոց են դուրս եկել՝ հակառակ արգելքի: Երեկոյան տեղի ունեցող ցույցի ժամանակ ոստիկանությունը կրակ է բացել բնակիչների վրա, ինչ հետևանքով հրազենային վնասվածք է ստացել 15-ամյա մի դեռահաս: Ոստիկանությունը թույլ չի տվել նրան հիանդանոց տանել և բնակիչները երեխայի բուժումը փորձել են կազմակերպել իրենց միջոցներով:

Աղբյուր` Ermenihaber.am