Թուրք-քրդական զինված բախումների զոհերը թվերով

Տարածաշրջան08:24, 19 Սեպտեմբեր 2015

Թուրք-քրդական զինված բախումների զոհերը թվերով

Թուրքիայի զինուժը (ԶՈւ) պաշտոնապես տվյալներ է հրապարակել այն մասին, թե 2015թ. հուլիսի 22-ից մինչ օրս «Քուդիստանի բանվորական կուսակցության» (ՔԲԿ-PKK) դեմ իրականացրած ռազմագործողություններում քանի քուրդ գրոհային (իրենց ձևակերպմամբ՝ ահաբեկիչ) է սպանվել:

Թուրքական «haberler» լրատվակայքը, հղում անելով պաշտոբական աղբյուրին, նշում է, որ վերոնշյալ երկամսյա ժամանակահատվածում թուրքական բանակային ստորաբաժանումների կողմից PKK-ի դեմ իրականացրած օպերացիաներում սպանվել է 1198 քուրդ զինյալ: Ընդ որում այդ օպերացիաներն իրականացվել են թե Թուրքիայի սահմաններում և թե Թուրքիայի սահմաններից դուրս:

Թուրքական կողմը ևս զոհեր է տվել այդ ընթացքում: Նշվում է, որ վերջին 74 օրվա ընթացքում քրդերի հարձակումների հետևանքով սպանվել է 124 ուժային (զինվոր, ոստիկան):

Իսկ Թուրքիայի մի շարք նահանգներում ՔԲԿ-ի երիտթև համարվող «Հայրենասեր հեղափոխական երիտասարդության շարժման» (YDG-H) զինյալների դեմ իրականացրած համապատասխան գործողությունների ընթացքում բերման է ենթարկվել 2598 մարդ, որից 708-ը ձերբակալվել են:

Վերոնշյալ օպերացիաներում թուրքական ուժերը քրդերի դեմ օգտագործել են օդուժ, տանկեր և հրետանի:

Աղբյուր` Ermenihaber.am