ERMENI HABER AJANSI

Թուրքիայում գործող «TÜRK Parti» (TP) կուսակցությանն արգելվել է մասնակցել նոյեմբերի մեկին կայանալիք արտահերթ խորհրդարանական ընտրություններին:

Ըստ թուրքական «Radikal» թերթի կայքի` պատճառն իշխող «Արդարություն և զարգացում կուսակցության» (AKP-ԱԶԿ)՝ հանրապետական դատախազություն ներկայացրած բողոքն է, որում վերջինս TP-ին մեղադրել է ԱԶԿ-ի լոգոյի նմանությամբ կուսակցական տարբերանշան պատրաստելու մեջ: Բողոքն ընդունվել է դատախազության կողմից: Արդյունքում արգելք է դրվել է TP-ի մասնակցության վրա լոգոյի պատճառով և տեղեկացվել ծանուցման կարգով:

TP-ի տարածած հայտարարության մեջ էլ նշվում է, որ ծանուցումը ստանալուց հետո ձեռնամուխ են եղել պաշտպանության, ինչպես կարգն է, բայց չնայած կուսակցության փաստարկներին և հիմնավորումներին` ցուցակների վերջնական հաստատումից ընդամենը 3 ժամ առաջ վերջնականապես հաստատվել է արգելքը:

Ստորև ներկայացված են վերոհիշյալ կուսակցությունների վիճահարույց լոգոները՝

1. Իշխանական «Արդարություն և զարգացում» կուսակցություն (AKP)

2. «TÜRK Parti» կուսակցություն