Զինված բախումներ և պայթյուններ Թուրքիայի տարբեր շրջաններում

Տարածաշրջան17:54, 22 Սեպտեմբեր 2015

Զինված բախումներ և պայթյուններ Թուրքիայի տարբեր շրջաններում

Թուրքիայի Վան, Մարդին և Դիարբեքիր նահագներում սեպտեմբերի 21-22-ին զինված բախումներ և պայթյուններ են տեղի ունեցել:

Թուրքական «Doğan» լրատվական գործակալության տեղեկության համաձայն՝ Վանի Բաշքալե շրջանում նախօրեին պայթյուն է տեղի ունեցել: Քուրդիստանի բանվորական կուսակցության» (ՔԲԿ- PKK) ներկայացուցիչների կողմից նախօրոք ականապատված ճանապահով անցնող զինվորական մեքենան հեռակառավարմամաբ պայթեցվել է, ինչի հետևանքով 13 զինվոր վիրավորվել է: Դեպքի առթիվ տարածքում օդային զինուժի մասնակցությամբ գործողություն է սկսվել:

Մարդին նահանգում PKK-ի զինված թևը համարվող «Ժողովրդի պաշտպանության ուժերի» (HPG) կողմից հարձակման է ենթարկվել Դարգեչիթ շրջանի և Ըլըսու ջրամբարի միջև գտնվող մի զինվորական պահակակետ: Զինվորների և HPG-ականների միջև զինված բախում է սկսվել, ինչի պատճառով մեծ թվով զինվորներ և զրահամեքենաներ են բերվել դեպքի վայր:

Իսկ Նուսայբին քաղաքի Ջումհուրիեթ թաղամասում ոստիկանները կրակ են բացել մի մեքենայի վրա, որում, ըստ ստացված տեղեկության, պայթուցիկ նյութեր են տեղափոխվել: Արդյունքնում մեքենան պայթել է: Հուժկու պայթյունի պատճառով հարակից շինություններ մեծապես վնասվել են: Ականատեսների վկայությամբ պայթյունը տեղի է ունեցել հենց ոստիկանների կրակելի հետևանքով:

Դիարբեքիրի Դիջլե շրջանում սեպտեմբերի 21-ին երկու պայթյուն է տեղի ուենցել, ինչից հետո շրջանային անվտանգության վարչության և քուրդ զինյալների միջև զինված բախում է սկսվել: Բախումը շարունակվել է նաև գիշերվա ընթացքում: Դեպքի մանրամասների մասին որևէ տեղեկություն ձեռք բերել չի հաջողվել:

Աղբյուր` Ermenihaber.am