Տարածաշրջան07:15, 23 Սեպտեմբեր 2015
Քուրդ զինյալները հարձակումներ են իրականացրել Թուրքիայի 4 նահանգում
«Քուրդիստանի բանվորական կուսակցության» (ՔԲԿ-PKK) զինյալները հարձակումներ են գործել Թուրքիայի Էլազըղ (պատմ. Խարբերդ), Բիթլիս, Թունջելի (պատմ. Դերսիմ), Մարդին նահանգներում:
Ինչպես տեղեկացնում է թուրքական «haberler» լրատվական կայքը, Էլազըղի Քարաքոչան շրջանում PKK-ի գրոհայինները ականանետերով կրակ են բացել տեղի ոստիկանական բաժանմունքի վրա: Ոստիկանության պատասխան կրակից հետո զինյալնները փախուստի են դիմել դեպքի վայրից: Հարձակման ժամանակ զոհեր և վիրավորներ չեն գրանցվել:
Բիթլիսի Հիզան շրջանում քուրդ գրոհայինները երկարափող զենքերով հարձակվել են տեղի ժանդարմերիայի հրամանատարության վրա, որը գտնվում է շրջանի Յեշիլօվա թաղամասում: Քուրդ զինյալների և թուրքական անվտանգության ուժերի միջև բախումը տևել է 30 րոպե, որից հետո քրդերը նահանջել են դեպի անտառներ: Նրանց հայտնաբերելու և վնասազերծելու ուղղությամբ թուրքական ուժերի կողմից իրականացվում է լայնամաշտաբ օպերացիա:
Թունջելիիի Օվաջըք շրջանում էլ քրդերը հարձակվել են տեղի արդարադատության նախարարությանը պատկանող հանրակացարանի վրա, սակայն վիրավորներ և զոհեր կրկին չեն գրանցվել
Իսկ ահա քրդաբնակ Մարդինում Օմերլի շրջանում ՔԲԿ-ի զինյալների իրականացրած հարձակման հետևանքով վիրավորվել է մեկ երիտասարդ, որը հիվանդանոց տանելու ճանապարհին մահացել է: Առայժմ հայտնի չէ՝ զոհված անձը զինվորական է, թե քաղաքացիական անձ:
Այս ենթաբաժնի վերջին նորությունները
Այդ հարցով հանդիպել են թուրք և իրանցի պաշտոնյանները։
Բացի Թուրքիայից զորավարժությանը մասնակցում են Պակիստանը, Կատարը, Ղազախստանը և Ուզբեկստանը։
Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |