Զինված բախումներ Դիարբեքիրում և Հաքքարիում

Տարածաշրջան08:57, 01 Հոկտեմբեր 2015

Զինված բախումներ Դիարբեքիրում և Հաքքարիում

Թուրքիայի Դիարբեքիր (Տիգրանակերտ) նահանգի Սիլվան շրջանում դեռևս ինքնությունները չպարզված անձինք վաղ առավոտյան զինված հարձակում են գործել թուրքական բանակի երկու զինծառայողի (1 ենթասպա, 1 սերժանտ) վրա, որի հետևանքով վերջիններս սպանվել են:

Թուրքական «bugun» պարբերականի հաղորդմամբ` զիվորականները սպանվել են հենց այն ժամանակ, երբ իրենց տների բակում պատրաստվում էին ավտոմեքենա նստել և դուրս գալ տնից:

Աղբյուրը հիշեցնում է, որ օրերս Դիարբեքիրում դարձյալ սպանվել էր մեկ զինվորական: Ենթադրվում է, որ հարձակման հեղինակները «Քուրդիստանի բանվորական կուսակցության» (ՔԲԿ-PKK) զինյալներն են եղել:

«Sabah» թերթի կայքն էլ տեղեկացնում է, որ Թուրքիայի սահմանամերձ հարավ-արևելյան Հաքքարի նահանգի Յուքսեքովա շրջանում գիշերը PKK-ի զինյալները երկարափող զենքերով հարձակվել են Յյուքսեքովայում տեղակայված զորամասի վրա: Զինվորները պատասխան կրակ են բացել: Կրակոցների ու պայթյունների ձայները լսվել են հարակից տարածքներում և խուճապ առաջացրել բնակչության մեջ: Ոստիկանությունը օպերացիա է սկսվել քուրդ գրոհայիններին վնասազերծելու համար: Գործի է դրվել նաև օդային աջակցություն: Թուրքական աղբյուրը տեղեկություն չի հաղորդում վիրավորվածների և զոհերի մասին:

Աղբյուր` Ermenihaber.am