Թուրքիայի ԶՈւ գլխավոր շտաբի պետի հանդիպել է Ադրբեջանի պաշտպանության նախարարի հետ

Քաղաքական07:36, 07 Հոկտեմբեր 2015

Թուրքիայի ԶՈւ գլխավոր շտաբի պետի հանդիպել է Ադրբեջանի պաշտպանության նախարարի հետ

Թուրքիայի ԶՈՒ գլխավոր շտաբի պետ, բանակի գեներալ Հուլուսի Աքարն Ադրբեջան կատարած այցի շրջանակներում հանդիպել է Ադրբեջանի պաշտպանության նախարար Զաքիր Հասանովի հետ:

Ըստ թուրքական «bugun» թերթի կայքի` հանդիպման ընթացքում կողմերը անդրադարձել են երկկողմ ռազմական համագործակցությանը, ինչպես նաև քննարկել են տարածաշրջանային մի շարք խնդիրներ, այդ թվում նաև Հայաստանի և Ադրբեջանի միջև գոյություն ունեցող խնդիրները:

Աքարը, ընդգծելով, որ թուրք-ադրբեջանական ռազմական համագործակցությունն ուղղված չէ որևէ երկրի դեմ, հավելել է, որ դրանք նպաստում են տարածաշրջանային երկրների անվտանգության պահպանմանը: Իսկ Հասանովը, բարձր գնահատելով հաճախակի անցկացվող ադրբեջանաթուրքական համատեղ զորավարժությունները, նշել է. «Վերջին տարիներին Թուրքիայի ռազմական դպրոցներում ավելի քան 6000 ադրբեջանցի սպա է ուսանել: Դա նույնպես նպաստում է մեր զինված ուժերի հզորացմանն ու զարգացմանը»:

Հիշեցնենք, որ Աքարը Բաքվում երեկ հանդիպում էր ունեցել նաև Ադրբեջանի նախագահ Իլհամ Ալիևի հետ, որի ժամանակ կրկին անդրադարձ էր կատարվել թուրք-ադրբեջանական զորավարժություններին:

Աղբյուր` Ermenihaber.am