ԺԴԿ-ական պատգամավոր. «Գալիք ընտրություններում նույնպես ԱԶԿ-ն միանձնյա առաջատար չի լինի»

Քաղաքական09:55, 08 Հոկտեմբեր 2015

ԺԴԿ-ական պատգամավոր. «Գալիք ընտրություններում նույնպես ԱԶԿ-ն միանձնյա առաջատար չի լինի»

Թուրքիայում քրդամետ «Ժողովուրդների դեմոկրատական կուսակցության» (ԺԴԿ-HDP) Գազիանթեփի պատգամավոր Մահմութ Թուղրուլը հայտարարել է, որ հաջորդ ընտրություններում նույնպես իշխող «Արդարություն և զարգացում կուսակցությունը» (ԱԶԿ-AKP) միանձնյա առաջատար չի լինի:

«Հունիսի 7-ի ընտրություններում 13.2% ձայներով մտանք խորհրդարան: Իսկ այս գալիք ընտրություններին նույնպես ԱԶԿ-ն միանձնյա առաջատար չի լինի, իսկ մենք էլ, ավելի հզորանալով, 16 % ձայներ կստանանք»,- ասել է պատգամավորը և ավելացրել, որ Թուրքիայում չկա որևէ խնդիր, որը հնարավոր չլինի բանակցությունների ճանապարհով լուծել:

Հիշեցնենք, որ հունիսի 7-ին Թուրքիայում տեղի էին ունեցել խորհրդարանական ընտրություններ, որոնց մասնակցել էին 20 քաղաքական կուսակցություններ: Քվեարկությանը մասնակցել էր ավելի քան 53 մլն ընտրող:

Թուրքիայի խորհրդարանական ընտրություններում ԱԶԿ-ն ստացել էր ընտրողների ձայների 40.9 տոկոսը, ընդդիմադիր «Ժողովրդահանրապետական» կուսակցությունը (ԺՀԿ-CHP)՝ 25 տոկոս, ընդդիմադիր «Ազգայնական շարժում» կուսակցությունը (ԱՇԿ-MHP)՝ 16.3 տոկոս, իսկ քրդամետ ԺԴԿ-ն ստացել էր ընտրողների 13.1 տոկոս ձայնը:

Աղբյուր` Ermenihaber.am