Քաղաքական11:28, 09 Հոկտեմբեր 2015
«Դավութօղլուին հարցրեք՝ երբևէ PKK-ականի ընտանիքի վիշտը կիսե՞լ է: Ծնողներին ցավակցե՞լ է»:
Թուրքիայի քրդամետ «Ժողովուրդների դեմոկրատական կուսակցության» համանախագահ Սելահաթթին Դեմիրթաշը «Bugün TV»-ի եթերից հարց է ուղղել երկրի վարչապետ Ահմեթ Դավութօղլուին, թե ինչու երբեք չի կիսել «Քուրդիստանի բանվորական կուսակցության» (PKK-ՔԲԿ) անդամների ցավը:
Հաղորդման ժամանակ Դեմիրթաշին հարցրել են, թե ինչու նա որևէ զոհված զինվորի թաղման արարողության չի մասնակցում: Վերջինս նշելով, որի ինքը մասնակցել է, և մասնակցության ապացույցերն էլ կան, հակադարձ հարց է ուղղել.
«Վարչապետին հարցրեք՝ PKK-ականի ընտանիքի վիշտը երբևէ կիսե՞լ է: Ծնողներին ցավակցե՞լ է: Որևէ պետական գործիչ հանրապետության պատմության ընթացքում կարողացե՞լ է նման բան անել: Միայն PKK-ական չեմ ասում, որևէ ապստամբության ղեկավարի վիշտը կիսե՞լ են: Ոչ, չեք գտնի որևէ օրինակ: Բայց չէ՞ որ նրանք էլ անտեր չեն, իրենց ծնողների զավակներն են, հայր ու մայր ունեն»:
Իշխանամետ «Sabah» թերթը Դեմիրթաշի հարցը սկանդալային է որակել, իսկ «Bugün TV»-ին անվանել է գյուլենականների հեռուստաալիք, որը զբաղված է PKK-ի օգտին քարոզչություն անելով:
Նշենք, որ գյուլենականները ամերիկաբնակ թուրք միլիարդատեր, իսլամի հայտնի գործիչ Ֆեթուլլահ Գյուլենի հիմնած շարժման հետևորդներն են: Գյուլենի և Թուրքիայի նախագահ Էրդողանի հարաբերությունները խիստ լարված են:
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |