Համաշխարհային բանկը զգուշացրել է Թուրքիայի տնտեսության ծայրահեղ վիճակի մասին

Տնտեսական10:11, 13 Հոկտեմբեր 2015

Համաշխարհային բանկը զգուշացրել է Թուրքիայի տնտեսության ծայրահեղ վիճակի մասին

Համաշխարհային բանկը հոկտեմբերի դրությամբ Թուրքիայի տնտեսական վիճակը գնահատող նոտա է հրապարակել: Թուրքական «Habertürk» լրատվական կայքի համաձայն՝ ըստ նշյալ փաստաթղթի՝ թուրքական լիրայի արժեզրկման և նավթի գնի նվազման պայմաններում Թուրքիայում բյուջեի պակասորդը , հակառակ կանխատեսումների, չի նվազել:

«Չնայած, որ էներգիայի պակասորդը նկատելիորեն նվազել է, այնուամենայնիվ, 2014թ. դրությամբ 42.6 մլրդ ԱՄՆ դոլարին համարժեք պակասորդը 2015թ. հասել է 45 մլրդ ԱՄՆ դոլարի»: Ըստ համաշխարհային բանկի գնահատման՝ բյուջեի պակասորդի նման աճը պայմանավորված է հիմնականում առևտրական համագործակցության թուլությամբ և 2015թ. ամռանը գրանցված զբոսաշրջիկների թվի անկմամբ:

Ըստ աղբյուրի՝ բյուջեի պակասորդի վրա բացասաբար է ազդել նաև եվրամիությանն անդամակցության գործընթացի դանդաղ ընթացքը, MENA (Մերձավոր Արևելքի և Հյուսիսային Աֆրիկայի) երկրների և Ռուսաստանի հետ կապված դժվարությունները, ինպես նաև՝ երկրի ներսում տիրող քաղաքական անկայությունն ու անորոշությունը:

Համաշխարհային բանկը արձանագրել է, որ 2013թ.-ից ի վեր Թուրքիայում ներդրումների ծավալները էապես նվազել են՝ զգուշացնելով. «Ներդրողների վստահությունը կրկին նվաճելու և զարգացումը խթանելու համար շտապ անհրաժեշտ է ապահովել քաղաքական կայություն և կառուցվածքային բարեփոխումների կիրառել»:

Աղբյուր` Ermenihaber.am