ԱՄՆ-ում Գյուլենի կալվածքի մոտակայքում տեղադրվել է ԱԶԿ-ի նախընտրական պաստառ

Քաղաքական10:44, 26 Հոկտեմբեր 2015

ԱՄՆ-ում Գյուլենի կալվածքի մոտակայքում տեղադրվել է ԱԶԿ-ի նախընտրական պաստառ

Թուրքիայի իշխող «Արդարություն և զարգացում» (ԱԶԿ-AKP) կուսակցությունը երկրում նոյեմբերի 1-ին կայանալիք արտահերթ խորհրդարանական ընտրություններից առաջ սկսել է քարոզարշավ իրականացնել ԱՄՆ-ի Նյու Ջերսի, Նյու-Յորք քաղաքներում, ինչպես նաև Փենսիլվանիայի նահանգում:

Թուրքական «Sabah» թերթի կայքի հաղորդմամբ` ԱԶԿ-ի `Հյուսիսային Ամերիկայում ընտրությունների համակարգման կենտրոնի նախագահ Լևենթ Ալի Յըլդըզը հայտարարել է, որ նախընտրական պաստառ է տեղադրվել նաև Փենսիլվանիա նահանգի Սեյլորսբուրգ քաղաքում: Այնտեղ է բնակվում իսլամի քարոզիչ, միլիարդատեր Ֆեթուլլահ Գյուլենը, ով հակասություններ ունի Թուրքիայի նախագահ Ռեջեփ Թայիփ Էրդողանի հետ:

Թուրքական աղբյուրը նշում է, որ վերոնշյալ պաստառի վրա գրված են Թուրքիայի վարչապետ և ԱԶԿ-ի նախագահ Ահմեթ Դավութօղլուի խոսքերը` ուղղված ընտրողներին: Պաստառը տեղադրվել է Գյուլենի կալվածքից մի քանի կմ հեռավորության վրա:

Աղբյուրը նշում է, որ պաստառի տեղադրումը մեծ արձագանք է գտել սոցցանցերում և զայրացրել գյուլենականներին:

Աղբյուր` Ermenihaber.am