ERMENI HABER AJANSI

ԱՄՆ-ի նախագահ Բարաք Օբաման նոյեմբերի 14-ին մեկնելու է Թուրքիա՝ մասնակցելու Անթալիա քաղաքում անցկացվելիք G20-ի (Մեծ քսանյակ) գագաթնաժողովին:Թուրքական «haberler» լրատվամիջոցի հաղորդմամբ` Օբաման Անթալիայում հանդիպումներ կունենա G20-ի անդամ երկրների առաջնորդների հետ, կքննարկի մի շարք կարևոր հարցեր:

Թուրքական աղբյուրը հայտնում է, որ ԱՄՆ-ի նախագահը Անթալիայից մեկնելու է Ֆիլիպիններ, որտեղ մասնակցելու է Հարավ-արևելյան Ասիայի պետությունների ասոցիացիա (ASEAN) -ԱՄՆ  խորագրով գագաթնաժողովին:

Նշենք, որ G20-ը (պաշտոնապես` անգլ.՝ Group of Twenty Finance Ministers and Central Bank Governors), 20 տնտեսություն (19 ազգային տնտեսություն և ԵՄ) ներկայացնող ֆինանսների նախարարների և կենտրոնական բանկերի նախագահների միջազգային խորհրդաժողովի ձևաչափ է։

Դրա մեջ մտնում են հետևյալ 20 երկրները`

1. Ավստրալիա
2. Արգենտինա
3. Բրազիլիա
4. Մեծ Բրիտանիա
5. Գերմանիա
6. Եվրամիություն
7. Հնդկաստան
8. Ինդոնեզիա
9. Իտալիա
10. Կանադա
11.  Չինաստան
12.  Մեքսիկա
13. Ռուսաստան
14. Սաուդյան Արաբիա
15.  ԱՄՆ
16. Թուրքիա
17. Ֆրանսիա
18. Հարավաֆրիկյան Հանրապետություն
19. Հարավային Կորեա
20. Ճապոնիա