Թուրքիայում նախարարությունների թիվը կարող է ավելանալ

Քաղաքական09:42, 05 Նոյեմբեր 2015

Թուրքիայում նախարարությունների թիվը կարող է ավելանալ

Թուրքիայում նոյեմբերի 1-ին տեղի ունեցած արտահերթ խորհրդարանական ընտրություններից հետո, նախարարությունների թիվը կարող է ավելանալ: Թուրքական «milliyet» թերթի կայքի հաղորդմամբ` որոշ նախարարություններ, որոնք միավորում էին երկու ոլորտ, կարող են տարանջատվել: Այսպես օրինակ` Մշակույթի և զբոսաշրջության նախարարության փոխարեն կարող են լինել առանձին Մշակույթի և Զբոսաշրջության նախարարություններ:

Նույն ճակատագիրն է սպասում Մաքսային և առևտրի, Երիտասարդության և սպորտի, Շրջակա միջավայրի և քաղաքաշինության, ինչպես նաև Անտառների և ջրային գործերով նախարարություններին: Ընդհանուր առմամբ անկնալվում է, որ Թուրքիան կունենա 25-30 նախարարություն:

Հիշեցնենք, որ Թուրքիայի արտահերթ խորհրդարանական ընտրություններում հաղթանակ տարավ իշխող «Արդարություն և զարգացում» (ԱԶԿ-AKP) կուսակցությունը` ստանալով 49.4 տոկոս ձայն (316 պատգամավորական մանդատ): ԱԶԿ-ի հավաքած նշյալ ձայներն էլ, նրան հնարավորթյուն են տալիս միակուսակցության կառավարություն կազմել: