Թուրքական լիրան արագորեն արժեզրկվում է

Տնտեսական06:54, 05 Նոյեմբեր 2015

Թուրքական լիրան արագորեն արժեզրկվում է

Վերջին օրերին տարադրամի շուկայում կտրուկ անկում է ապրում թուրքական լիրան: Խորհրդարանական ընտրություններից առաջ գրանցված արտարժույթի փոխարժեքի անկումն ընտրություններից հետո իր տեղը զիջել է արագընթաց վերելքին: Կարճ ժամանակ առաջ 2.75 թուրքական լիրա գնահատվող ԱՄՆ 1 դոլարը երեկ համարժեք է եղել 2.81 լիրայի, իսկ այսօր արդեն անցել է 2.84 լիրայի սահմանը:

Թուրքական «Karar.com.tr» լրատվակայքի համաձայն՝ նոյեմբերի 5-ին ԱՄՆ դոլարի փոխարժեքը բարձրացել է 0.6 տոկոսով՝ կազմելով 2.8614 թուրքական լիրա առքի և 2.8646 լիրա՝ վաճառքի համար:

Եվրոյի առք ու վաճառքի փոխարժեքներն են համապատասխանաբար 3.1139 և 3.1176 լիրա: Եվրոյի փոխարժեքը բարձրացել է 0.25 տոկոսով: Իսկ դոլարի և եվրոյի հարաբերակցությունը նվազել է՝ կազմելով 1.097:

Թուրքական «Haberler.com» լրատվակայքը ներկայացնում է այսօր Թուրքիայի տարադրամի շուկայում արտարժույթի առք ու վաճառքի փոխարժեքները:

Ըստ այդմ՝ նոյեմբերի 5-ի առավոտյան Ստամբուլում գրանցվել են արտարժույթի հետևյալ փոխարժեքները.

Արտարժույթ	առք	վաճառք	տարբերություն / %
ԱՄՆ դոլար	2.8614	2.8646	0.08
Եվրո	3.1139	3.1176	0.24
Ավստրալական դոլար	2.0370	2.530	0.54
Կանադական դոլար	2.1700	2.1780	0.6
Շվեյցարական ֆրանկ	2,8831	2,8872	0,17
Դանիական կրոն	0.4158	0.4173	0.77
Անգլիական ստերլինգ	4.4080	4.4112	0.14
Ճապոնական 100 յենի	42.3390	42.4030	-0.12
Նորվեգական կրոն	0.3298	0.3307	0.58
Սաուդյան ռիալ	0.7616	0.7658	0.64
Շվեդական կրոն	0.3310	0.3319	0.73