Էրդողանը Աբդուլ Համիդի սուլթանական պալատը կդարձնի իր աշխատանքային գրասենյակը

Տարածաշրջան10:01, 09 Նոյեմբեր 2015

Էրդողանը Աբդուլ Համիդի սուլթանական պալատը կդարձնի իր աշխատանքային գրասենյակը

Թուրքիայի նախագահ Ռեջեփ Թայիփ Էրդողանը Ստամբուլ քաղաքում գտնվող Յըլդըզ պալատը կարող է դարձնել իր աշխատանքային գրասենյակը: Ինչպես փոխանցում է, թուրքական «rotahaber» լրատվամիջոցը, Յըլդըզ պալատը, ժամանակին հանդիսանում էր Օսմանյան կայսրության արյունարբու սուլթան Աբդուլ Համիդ 2-րդի (1876-1909) սուլթանական պալատը:

Էրդողանը նախատեսում է օսմանյան պալատն օգտագործել արտասահմանցի և տեղական պատվավոր հյուրերի ընդունելության համար:

Աղբյուրը հիշեցնում է, որ նույն այդ Յըլդըզ պալատում էր վերջերս Թուրքիայի նախագահը հյուրընկալել Գերմանիայի կանցլեր Անգելա Մերկելին, նրան բազմել տվել օսմանական շքեղ գահին, ինչը հեգնական քննարկումների տեղիք էր տվել:

Յըլդըզ պալատը կառուցել է Օսմանյան կայսրության Սելիմ 3րդ (1761-1807) սուլթանը: Վերջինս այն կառուցել էր իր մոր` Միհրիշանի համար: Պալատը ենթարկվել է թալանի, երբ 1909թ. մարտի 31-ին Աբդուլ Համիդը գահազրկվեց և իշխանության եկան երիտթուրքերը: Համիդի կառավարման ժամանակ պալատում եղել է մզկիթ:

Աղբյուր` Ermenihaber.am