Էրդողանն ու Օբաման հեռախոսազրույց են ունեցել

Տարածաշրջան08:02, 10 Նոյեմբեր 2015

Էրդողանն ու Օբաման հեռախոսազրույց են ունեցել

Թուրքիայի և ԱՄՆ-ի նախագահները հեռախոսազրույց են ունեցել: Թուրքական «gazetevatan» լրատվամիջոցի հաղորդմամբ` հեռախոսազրույցի ժամանակ, ԱՄՆ-ի նախագահը շնորհավորել է Թուրքիայի նախահագահ Ռեջեփ Թայիփ Էրդողանին` նոյեմբերի 1-ին Թուրքիայում տեղի ունեցած արտահերթ խորհրդարանական ընտրություններում հաղթելու կապակցությամբ:

Նշվում է, որ հեռախոսազրույցի ժամանակ կողմերը քննարկել են սիրիական ճգնաժամը, «Իսլամական պետություն» (ԻՊ) ահաբեկչական կազմակերպության հարցը, ինչպես նաև սիրիական ընդդիմությանը զինելու խնդիրը:

Քննարկվել են այն կարևոր հարցերը, որոնք տեղ կգտնեն Թուրքիայի Անթալիա քաղաքում տեղի ունենալիք G-20 գագաթնաժողովի օրակարգում:

Երկու նախագահները միակարծիք են եղել այն հարցում, որ պետք է վերջ դրվի «Քուրդիստանի բանվորական կուսակցություն» (ՔԲԿ-PKK)-ը գործողություններին:

Թուրքական աղբյուրը նշում է, որ հեռախոսազրույցը տեղի է ունեցել Օբամայի նախաձեռնությամբ:

Աղբյուր` Ermenihaber.am