Քրդական ջոկատները սկսել են Շինջար քաղաքի ազատագրումը

Տարածաշրջան09:46, 12 Նոյեմբեր 2015

Քրդական ջոկատները սկսել են Շինջար քաղաքի ազատագրումը

Իրաքյան Քուրդիստանի «Փեշմերգե» զորաջոկատները լայնամաշտաբ գործողություններ են սկսել՝ ազատագրելու Շինջար քաղաքը: Թուրքական «milliyet» թերթի կայքի փոխանցմամբ` քաղաքն այժմ գտնվում է «Իսլամական պետություն» (ԻՊ) ահաբեկչական կազմակերպության զինյալների վերահսկողության տակ:

Իրաքյան Քուրդիստանի տարածքային ղեկավարման (KBY) խորհուրդը, հաստատելով վերոնշյալ տեղեկությունը, նշել է, որ ազատագրման օպերացիային մասնակցում է 7.500 փեշմերգեյական: Հայտարարությունում նշվում է, որ եթե Շինջարը ազատագրվի ԻՊ-ի զինյալներից, ապա այնտեղ կստեղծվի անվտանգության գոտի: Քաղաքի ազատագրման ծրագիրը նախատեսվել էր իրականացնել 2015թ. նոյեմբերի 3-ին, սական դա տեղի չունեցավ KBY-ի և «Քուրդիստանի բանվորական կուսակցության» (ՔԲԿ-PKK) միջև եղած անհամաձայնության պատճառով:

ԻՊ-ի զինյալները հարձակվելով Փեշմերգայի դիրքերի վրա, 2014թ. օգոստոսի 4-ին իրենց վերահսկողության տակ էին վերցրել Շինջարը: Այդ ընթացքում ԻՊ-ականներն այնտեղ իրականացրել են եզդիների կոտորած: Սպանվել էր շուրջ 5.000 եզդի տղամարդ, իսկ հազարավոր կանայք՝ ենթարկվել ստրկության:

Տեղեկացնենք, որ «Փեշմերգե» քրդական զորաջոկատները մասնակցություն են ունեցել, 1961-1970թթ. և 1974-1975թթ. առաջին և երկրորդ քուրդ-իրաքյան պատերազմին, 1980-1988թթ. Իրան-իրաքյան պատերազմին:

Աղբյուր` Ermenihaber.am