Պուտինն անդրադարձել է «Թուրքական հոսք» գազատարի կարևորությանը

Տնտեսական08:32, 14 Նոյեմբեր 2015

Պուտինն անդրադարձել է «Թուրքական հոսք» գազատարի կարևորությանը

Ռուսաստանի Դաշնության (ՌԴ) նախագահ Վլադիմիր Պուտինը խոսել է «Թուրքական հոսք» գազատարի նախագիծը կարևորությունից:

Թուրքական «haberler» լրատվակայքի փոխանցմամբ՝ Պուտինն ընդգծել է, որ գազատարի կառուցումը բխում է թե Թուրքիայի և թե Ռուսաստանի շահերից:

«Չեմ կիսում այն կարծիքը, թե «Թուրքական հոսք»-ը կորցրել է իր արագությունը: Ուղղակի այդքան մեծ ծրագիրը միանգամից զարգացնել և ապահովել հնարավոր չէ: Կան կազմակերպչական, տեխնիկական, իրավական, տնտեսական հարցեր, որոնք մենք մեր թուրք գործընկերների հետ միասին պետք է լուծենք»,- ասել է Պուտինը:

Հիշեցնենք, որ «Թուրքական հոսք» գազատարը, որի միջոցով ռուսական գազը պետք է մատակարարվեր Եվրոպա, ժամանակավորապես սառեցվել է: Ռուսական կողմը հայտարարել էր, որ իրենք կվերսկեն բանակցություննները միայն Թուրքիայի արտահերթ խորհրդարանական ընտրություններից հետո, երբ Թուրքիայում կկազմվի նոր կառավարություն:

Իսկ Թուրքիայի Էներգերտիկայի և բնական պաշարների նախարարության ներկայացուցիչը նշել էր հետյալը. «Ռուսները «BOTAŞ»-ի և «Gazprom»-ի միջև զեղչի հետ կապված բանակցությունները դիտարկում են որպես «Թուրքական հոսք»-ի համար նախապայման: Մենք էլ դա դիտարկում ենք որպես մեկնակետ»:

Աղբյուր` Ermenihaber.am