Անթալիայում կայացել է Էրդողանի և Պուտինի հանդիպումը

Քաղաքական07:16, 16 Նոյեմբեր 2015

Անթալիայում կայացել է Էրդողանի և Պուտինի հանդիպումը

Թուրքիայի Անթալիա քաղաքում անցկացվող անցկացվող G20-ի (Մեծ քսանյակ) գագաթնաժողովի շրջանակներում տեղի է ունեցել Թուրքիայի և Ռուսաստանի նախագահներ Ռեջեփ Թայիփ Էրդողանի ու Վլադիմիր Պուտինի հանդիպումը:

Ըստ թուրքական «Hurriyet» թերթի կայքի` հանդիպմանը երկու նախագահների հետ միասին մասնակցել են նաև Թուրքիայի արտգործնախարար Ֆերիդուն Սինիրլիօղլուն, Ազգային հետախուզության պետ Հաքան Ֆիդանը և Ռուսաստանի արտգործնախարար Սերգեյ Լավովը:

Քննարկվել են Ֆրանսիայում տեղի ունեցած ահաբեկչությունների, «Իսլամական պետություն» ահաբեկչական կազմակերպության և Սիրիայի հետ կապված հարցեր:

Թուրքական «Milliyet» թերթի կայքի տեղեկացմամբ՝ Էրդողանը անհանգստություն է հայտնել, որ Հալեպի շրջանում Ռուսաստանի նախաձեռնած ավիահարվածները կարող են գաղթականների նոր ալիքի պատճառ դառնալ` ավելացնելով, որ բախումների աճից խուսափելու համար Սիրիայում իշհանության փոփոխություն է անհրաժեշտ:

Հանդիպմանը հաջորդած Էրդողան Պուտին առանձնազրույցի ժամանակ պայմանավորվածություն է ձեռք բերվել դեկտեմբերի 15-ին Ռուսաստանում Թուրքիա-Ռուսաստան բարձր մակարդակի համագործակցության խորհրդի հերթական նիստն անցկացնելու վերաբերյալ:

Աղբյուր` Ermenihaber.am