Թուրքիայի ԱԳՆ նախարարը հայտարարել է, որ առայժմ չի նախատեսվում թուրքական զինուժի մուտքը Սիրիա

Տարածաշրջան13:59, 17 Նոյեմբեր 2015

Թուրքիայի ԱԳՆ նախարարը հայտարարել է, որ առայժմ չի նախատեսվում թուրքական զինուժի մուտքը Սիրիա

Թուրքիայի արտաքին գործերի նախարար Ֆերիդուն Սինիրլիօղլուն հայտարարել է, որ թուրքական զինուժը չի նախատեսում ցամաքային գործողություններ իրականացնել Սիրիայի ուղղությամբ:

Թուրքական «haberler» լրատվամիջոցը մեջբերելով Սինիրլիօղլուի հայտարարությունը, նշում է. «Չի նախատեսվում Թուրքիայի ցամաքային ուժերի մուտքը Սիրիա: Այս փուլում դրա անհրաժեշտությունը չկա»:

Սակայն Թուրքիայի արգործնախարարը չի բացառել, որ թուրքական ուժերը կարող են անվտանգության միջոցառումներ և նույնիսկ օպերացիա իրականացնել «Իսլամական պետություն» (ԻՊ) ահաբեկչական կազմակերպության դեմ: Նա շեշտել է,որ դրա հետ կապված այժմ որևէ մանրամասն տեղեկություն չի կարող հաղորդել:

Անդրադառնալով Թուրքիայի Անթալիա քաղաքում տեղի ունեցած Մեծ քսանյակի (G20) գագաթնաժողովին, Սինիրլիօղլուն ընդգծել է, որ այնտեղ օրակարգում չի եղել թուրքական ցամաքային ուժերի Սիրիա ներխուժման հարցը:

Աղբյուր` Ermenihaber.am