Չավուշօղլու. «Կարիք չկա ներողություն խնդրել մի հարցում, որում ճիշտ ենք»

Տարածաշրջան15:07, 26 Նոյեմբեր 2015

Չավուշօղլու. «Կարիք չկա ներողություն խնդրել մի հարցում, որում ճիշտ ենք»

Թուրքիայի արտաքին գործերի նախարար Մևլույթ Չավուշօղլուն պատասխանել է Ռուսաստանի նախագահ Վլադիմիր Պուտինի խոսքերին, թե Թուրքիան Սու-24 ինքնաթիռը խոցելու համար դեռևս ներողություն չի խնդրել:

Ինչպես տեղեկացնում է թուրքական «Milliyet» թերթը, Չավուշօղլուն ինքնահռչակ Հյուսիսային Կիպրոսի թուրքական հանրապետություն կատարած այցի ընթացքում հայտարարել է, որ կարիք չկա ներողություն խնդրել մի հարցում, որում իրենք ճիշտ են:

«Բազմիցս հայտարարել և շարունակում ենք հայտարարել ենք, որ վշտացած ենք դեպքի առիթով: Ռուսաստանի հետ ճգնաժամը չենք ցանականում խորացնել»,-հավելել է Չավուշօղլուն:

Տեղեկացնենք, որ Ռուսաստանի նախագահի վերոհիշյալ հայտարարությանն անդրադարձել է նաև Թուրքիայի նախագահ Ռեջեփ Թայիփ Էրդողանը՝ ասելով, որ Թուրքիան չի պատրաստվում ներողություն խնդրել Ռուսաստանից Սիրիայում խոցված ռուսական ռազմական ինքնաթիռի համար:

«Եթե կա մեկը, ով պետք է ներողություն խնդրի, ապա դա Ռուսաստանն է: Մեր օդային սահմանը խախտողները պետք է ներողություն խնդրեն»,-ասել է Թուրքիայի նախագահը:

Աղբյուր` Ermenihaber.am