Ստամբուլ- Մոսկվա ինքնաթիռի թուրք ուղևորները հետ կուղարկվեն Թուրքիա

Տարածաշրջան11:23, 26 Նոյեմբեր 2015

Ստամբուլ- Մոսկվա ինքնաթիռի թուրք ուղևորները հետ կուղարկվեն Թուրքիա

Թուրքիայից Ռուսաստան մեկնող քաղաքացիներին օդանավակայանում փաստականների նման են վերաբերվում: Թուրքական իշխանամետ «Sabah» պարբերականի կայքի համաձայն՝ Ստամբուլ–Մոսկվա չվերթն իրականացնող թուրքական ավիաընկերության ինքնաթիռը նոյեմբերի 26-ի առավոտյան վարէջք է կատարել Մոսկվայի Շերեմետևո օդանավակայանում: Ինչից հետո ինքնաթիռում գտնվող Թուրքիայի քաղաքացիների հետագա ազատ տեղաշարժը սահմանափակվել է օդանավակայանի աշխատակիցների կողմից:

Թուրքական «Doğan» լրատվական գործակալության թղթակցի հետ հեռախոսազրույցում նշյալ ինքնաթիռի ուղևոր, թուրք գործարար Ջեմիլ Օզդեմիրը հետևյալ մեկնաբանություններն է արել. «Մենք մի ռուսական ընկերության հետ գործարքի համար էինք եկել: Այստեղից Պերմ պիտի մեկնեինք: Բայց անձնագրերի ստուգման ժամանակ իմ և Թուրքիայի քաղաքացի հանդիսացող մյուս ուղևորների անձնագրերը վերցրեցին ու պատվիրեցին սպասել: Հինգ ժամ անց ռուս ոստիկանն ասաց, որ մեզ հետ են ուղարկելու Թուրքիա: Մեզ այստեղ փախստականների պես են վերաբերվում»:

Թուրք գործարարը նշել է նաև, որ իրեն և ևս 15 թուրքերի այդ ընթացքում հարկադրաբար պահել են սպասասրահում՝ զրկելով սննդից և ջրից: Ըստ Օզդեմիրի՝ իրենք ցանկաթյուն են հայտնել թուրքական դեսպանատնից մեկնաբանություններ ստանալ, սակայն օդանավակայանի աշխատակիցները սպառնացել են ձեռնաշղթաներ հագցնել բոլորին: Միջամտել է նույնիսկ այն ռուս գործարարը, որի ընկերության հետ իրենք համագործակցում են, բայց դա նույնպես որևէ արդյունք չի տվել:

Ըստ ստացված տեղեկության՝ թուրք ուղևորների մեջ կան նաև երեխաներ: Ուղևորներից ոչ մեկին թույլ չի տրվել երկիր մուտք գործել, նրանց Թուրքիա կուղարկեն տեղական ժամանակով 21.00-ի թռիչքով:

Աղբյուր` Ermenihaber.am