Էրդողանը պատասխանել է Պուտինի այն հայտարարությանը, թե Թուրքիան օգնում է ահաբեկիչներին նավթի վաճառքի հարցում

Քաղաքական06:32, 27 Նոյեմբեր 2015

Էրդողանը պատասխանել է Պուտինի այն հայտարարությանը, թե Թուրքիան օգնում է ահաբեկիչներին նավթի վաճառքի հարցում

Թուրքիայի նախագահ Ռեջեփ Թայիփ Էրդողանը France 24 հեռուստաալիքին տված հարցազրույցում արձագանքել է Ռուսաստանի նախագահ Վլադիմիր Պուտինի այն հայտարարություններին, համաձայն որոնց թուրքերը նավթի վաճառքի հարցում օգնում է «Իսլամական պետություն» (ԻՊ) ահաբեկչական կազմակերպությանը:

«Ցավալի է և ամոթ է: Նման բան չպետք է ասեին Ռուսաստանի իշխանավորները: Մենք երբեք ահաբեկչական կազմակերպությունների հետ նման առուվաճառքի մեջ չենք գտնվել: Դա դեռ հարկավոր է ապացուցել: Որ պահին դա ապացուցեն, այդ պահին Թայիփ Էրդողանը կհեռանա, այս պաշտոնին չի մնա: Բայց եթե չապացուցվի, արդյո՞ք այդ զրպարտությունն անողները կկարողանան թողնել իրենց պաշտոնները»,- հարց է բարձրացրել է Թուրքիայի նախագահը:

Էրդողանը նաև հիշեցրել է, որ Թուրքիան իր համար պահանջված նավթի և բնական գազի ամենամեծ ծավալները գնում է Ռուսաստանից: Երկրորդ տեղում հանդես գալիս Իրանը, երրորդում՝ Ադրբեջանը: Այնուհետև ըստ Թուքրիային վաճառված էներգակիրների ծավալների 4-րդ, 5-րդ և 6-րդ տեղերը զբաղեցնում են համապատասխանաբար Հյուսիսային Իրաքը, Ալժիրը և Քաթարը:

Թուրքիայի նախագահը շեշտել է, որ ձեռքի տակ ունեն ԱՄՆ-ի գանձապետարանի տեղեկագիրը, որտեղ հենց նշված են, որ ռուսաստանյան որոշ ընկերություններ, «ԻՊ»-ի հետ համագործակցելով, Սիրիայի իշխանություններին նավթ են վաճառում:

Աղբյուր` Ermenihaber.am