Իսրայելը դիտարկում է Թուրքիային բնական գազ մատակարարելու հնարավորությունները

Տնտեսական08:25, 09 Դեկտեմբեր 2015

Իսրայելը դիտարկում է Թուրքիային բնական գազ մատակարարելու հնարավորությունները

Իսրայելի վարչապետ Բենյամին Նեթանյահուն հայտարարել է, որ իր երկիրը Թուրքիային բնական գազ մատակարարելու հարցի շուրջ բանակցություններ է վարում Անկարայի հետ:

Ըստ թուրքական «Haberler.com» լրատվական կայքի` Իսրայելը հայտարարել է իր սեփական գազի արտահանման ուղղությամբ այլ երկրների հետ ևս տարվող բանակցությունների մասին:

Իսրայելի ազգային ենթակառուցվածքների, էներգետիկայի և ջրային պաշարների նախարարը հայտարարել է, որ Եգիպտոսի կողմից Իսրայելին գազի մատակարարման դադարեցումից հետո իր երկիրը պատրաստվում է սեփական հանքահորերի վրա արդյունահանման ենթակառուցվածքներ զարգացնել և հնարավորինս կարճ ժամանակում էներգետիկ անկախություն ձեռք բերել:

Հենց այդ ծրագրի շրջանակներում էլ դիտարկվում են արդյունահանվելիք բնական գազի Թուրքիա, Հորդանան, Հունաստան և Արևմտյան Եվրոպա արտահանելու հնարավորությունները:

Աղբյուր` Ermenihaber.am