Քաթարն առաջիկա 4-5 օրվա ընթացքում կսկսի գազ մատակարարել Թուրքիա

Տնտեսական09:57, 10 Դեկտեմբեր 2015

Քաթարն առաջիկա 4-5 օրվա ընթացքում կսկսի գազ մատակարարել Թուրքիա

Ստամբուլում «Միջազգային համագործակցության հարթակ» (International Corporation Platform) կազմակերպության աջակցությամբ դեկտեմբերի 9-ին մեկնարկել է Բոզազըջը 6-րդ գագաթնաժողովը:

Ըստ թուրքական «milliyet» պարբերականի` գագաթնաժողովի առաջին օրը ելույթով հանդես է եկել Քաթարի նախկին փոխվարչապետ և արդյունաբերության ու էներգետիկայի նախկին նախարար Աբդուլլահ Բին Համադ Ալ-Աթթիլահը: Վերջինս մասնավորապես նշել է, որ Քաթարը առաջիկա 4-5 օրվա ընթացքում սկսելու է գազ մատակարարել Թուրքիա: Նա ընդգծել է, որ նման համաձայնությունը ձեռք է բերվել Ռեջեփ Թայիփ Էրդողանի՝ Քաթար իրականացրած պաշտոնական այցի ժամանակ:

«Մենք պատրաստ ենք մատակարարել Թուրքիայի համար պահանջված գազը: 4-5 օրում պահանջված ծավալի գազը կմատակարարվի Թուրքիա»:

Նշվում է, որ անցյալ տարի գագաթնաժողովի շրջանակներում մասնակից երկրները ստորագրել էին 540մլն բյուջե ունեցող պայմանագրեր: Այս տարի կազմակերպիչները նպատակ ունեն այդ հասցնել 750մլն դոլարի: Գագաթնաժողովը ավարտվելու է դեկտեմբերի 11-ին:

Հավելենք, որ գագաթնաժողովին ամեն տարի մասնակցում է 80 երկիր:

Աղբյուր` Ermenihaber.am