Իրաքի շիա աշխարազորայինները 72 ժամ են տվել թուրքական զորքի դուրսբերման համար

Տարածաշրջան07:18, 12 Դեկտեմբեր 2015

Իրաքի շիա աշխարազորայինները 72 ժամ են տվել թուրքական զորքի դուրսբերման համար

Իրաքում գործող Հեշդի Շաբի խմբավորմանը հարող մի խումբ շիա աշխարազորայիններ 72 ժամ են տվել, որպեսզի թուրքական զորքը դուրս բերվի հյուսիսիրաքյան տարածքից: Ըստ թուրքական «haberler» լրատվամիջոցի՝ նշյալ խմբավորման աշխարազորայինները նաև պահանջել են, որ փակվի Իրաքի Բասրա քաղաքի թուրքական հյուպատոսարանը:

Իրենց հրապարակած գրավոր հայտարարության մեջ, նշելով, որ թուրքական իշխանությունները զորք են մտցրել Իրաքի տարածք առանց պաշտոնական Բաղդադի թույլտվության, ընդգծել են.
«Շիա աշխարազորայինները կտրականապես դեմ են թուրք սպաերի ներխուժմանը Իրաքի տարածք: Դա դիտվում է, որպես Իրաքի դեմ պատերազմի հայտարարում»:

Ավելի վաղ Իրաքի վարչապետ Հայդար ալ-Աբադին Թուրքիայից պահանջել էր 48 ժամվա ընթացքում դուրս բերել իր զորախումբը Իրաքի տարածքից՝ զգուշացնելով, որ հակառակ դեպքում կդիմի ՄԱԿ-ի անվտանգության խորհրդին:

Իսկ Թուրքիայի նախագահ Ռեջեփ Թայիփ Էրդողանն էլ Թուրքմենստան կայանալիք այցից առաջ նշել էր, որ Իրաքից թուրքական զորքի դուրսբերման մասին առայժմ խոսք լինել չի կարող:

Հիշեցնենք, որ օրերս թուրքական զորաջոկատները առանց Իրաքի կենտրոնական իշխանություններ թույլտվության ներխուժել էին Իրաքյան Քուրդիստանի Մոսուլ քաղաքից 30 կմ հեռավորության վրա գտնվող Բաշիքա շրջան, որտեղ հաստատվել են ավելի վաղ թուրքերի կողմից հիմնված ռազմակայանում:

Աղբյուր` Ermenihaber.am