Թուրքական զորքերը վերադասավորման նպատակով հեռացել են Իրաքի Բաշիքա շրջանից

Տարածաշրջան11:24, 14 Դեկտեմբեր 2015

Թուրքական զորքերը վերադասավորման նպատակով հեռացել են Իրաքի Բաշիքա շրջանից

Իրաքի Բաշիքա շրջան ներխուժած թուրքական զորքերի զգալի մասը տեղաշարժվել են Հյուսիսային Իրաքի մեկ այլ տարածք: Թուրքական «haberler» լրատվամիջոցի փոխանցմամբ` դեկտեմբերի 14-ին թուրքական 10-12 զինմեքենաներ, զորքերի և տանկերի հետ միասին շարժվել են դեպի հյուսիս: Այժմ Բաշիքա շրջանում մնացել է թուրքական փոքրաթիվ մեկ ջոկատ:

Թուրքական աղբյուրը հղում անելով իր ռազմական աղբյուրներին, նշում է, որ թուրքական զորքերը հեռացել են նոր առաջադրանքներ և համակարգումներ ստանալու համար:

Առայժմ պաշտոնական Անկարայի կողմից, զորքերի տեղափոխման վերաբերյալ որևէ հայտարարություն, կամ մեկնաբանություն չի արվել:
Նշենք, որ մի քանի օր առաջ թուրքական զորաջոկատները առանց Իրաքի կենտրոնական իշխանություններ թույլտվության ներխուժել են Իրաքի Քուրդիստանի Մոսուլ քաղաքից 30 կմ հեռավորության վրա գտնվող Բաշիքա շրջան ու հաստատվել են ավելի վաղ թուրքերի կողմից հիմնած ռազմակայանում:

Աղբյուր` Ermenihaber.am