Բաքվում մեկնարկել է Թուրքիա-Ադրբեջան բարձր մակարդակի ռազմական երկխոսության նիստը

Տարածաշրջան07:31, 15 Դեկտեմբեր 2015

Բաքվում մեկնարկել է Թուրքիա-Ադրբեջան բարձր մակարդակի ռազմական երկխոսության նիստը

Դեկտեմբերի 14-ին Ադրբեջանի մայրաքաղաք Բաքվում մեկնարկել է Ադրբեջան-Թուրքիա բարձր մակարդակի ռազմական երկխոսության 8-րդ նիստը: Ինչպես փոխանցում է թուրքական «haberler» լրատվակայքը, թուրքական պատվիրակությունը Բաքվում գլխավորում է Թուրքիայի օդուժի գեներալ Թայֆուր Ֆիքրեթ Էրբիլգինը:

Բաքու են մեկնել նաև Թուրքիայի զինված ուժերի (ԶՈՒ) Գլխավոր շտաբի և պաշտպանության նախարարության բարձրաստիճան մի շարք պաշտոնյաներ, որոնք հանդիպումներ կանցկացնեն ադրբեջանցի իրենց գործընկերների հետ:

Թուրքական աղբյուրը, հղում անելով Ադրբեջանի պաշտպանության նախարարության հայտարարությանը, նշում է, որ միջոցառման նպատակն է ուսումնասիրել այն խմբերի գործունեությունը, որոնք նպատակ ունեն զարգացնել թուրք-ադրբեջանական ռազմական հարաբերությունները:

Հիշյալ նիստը կավարտվի դեկտեմբերի 15-ին: Նշենք, որ Ադրբեջան-Թուրքիա բարձր մակարդակի ռազմական երկխոսության այսօրինակ նսիտեր կազմակերպվելն սկսյալ 2007 թվականից:

Աղբյուր` Ermenihaber.am