Իրանի արտգործնախարար.«Թուրքիան չպետք է մեծացնի լարվածությունը Ռուսաստանի և Իրաքի հետ»

Տարածաշրջան07:04, 21 Դեկտեմբեր 2015

Իրանի արտգործնախարար.«Թուրքիան չպետք է մեծացնի լարվածությունը Ռուսաստանի և Իրաքի հետ»

Իրանի Իսլամական Հանրապետության (ԻԻՀ) արտգործնախարար Մուհամեդ Ջևադ Զարիֆը կարծիք է հայտնել, որ Թուրքիան չպետք է ավելի մեծացնի լարվածությունը Ռուսաստան Դաշնության (ՌԴ) և Իրաքի հետ:

Թուրքական «Ahaber.com.tr» լրատվակայքի համաձայն՝ «Al Monitor»-ի թղթակցի հետ հարցազրույցում Զաֆերին մասնավորապես նշել է. «Իրանը հույս ունի, որ Թուրքիա-Ռուսաստան և Թուրքիա-Իրաք փոխհարաբերությունները կկարգավորվեն: Պետք չէ ավելի մեծացնել լարվածությունը: Եթե տարածաշրջանի առաջատարների միջև լարվածությունը սաստկանա, ապա դա ուղղակիորեն կնպաստի «Իսլամական պետություն» (ԻՊ) ահաբեկչական կազմակերպության գործունեությանը»:

Անդրադառնալով Թուրքիայի կողմից Իրաքի հյուսիսում զորքեր տեղակայելու և այդ պատճառով վատթարացած թուրք-իրաքյան հարաբերությունների թեմային՝ Զաֆերին նշել է, որ այդ հարցի շուրջ իրենք քննարկումներ են ունեցել թուրքական կողմի հետ:

«Կարծում ենք, որ մեր առաջնային խնդիրը Սիրիայում և Իրաքում պետք է լինի ԻՊ-ի ու մյուս ահաբեկչական խմբավորումների դեմ պայքարը»,- նկատել է իրանցի նախարարը:

Աղբյուր` Ermenihaber.am